Escola Superior de Conservación e Restauración de Bens Culturais de Galicia
A Escola Superior de Conservación e Restauración de Bens Culturais de Galicia (ESCRBCG) é un centro dependente da Consellería de Educación, Ciencia, Universidades e Formación Profesional no que se imparten ensinanzas artísticas superiores de Restauración e Conservación nas especialidades de Bens Arqueolóxicos, Pintura e Escultura que conducen ao título. Quen teña superado estos estudos obterá o Título de Grao en Ensinanzas Artísticas Superiores de Conservación e Restauración de Bens Culturais na especialidade correspondente, que será equivalente, a tódolos efectos, ao título universitario de grao.
A Escola de Conservación e Restauración de Bens Culturais de Galicia, sita na cidade de Pontevedra, foi creada mediante o Decreto 352/1991, do 17 de outubro, publicado no Diario Oficial de Galicia o día 24 de outubro de 1991.
Máis información:
- Enderezo: consultar todos os datos do centro na páxina de centros educativos
- Páxina web: https://escolaconservacion.gal/escola/