Proba para a obtención do título de bacharelato para persoas maiores de vinte anos

Convocatoria anual 2023 ► PECHADA

Información xeral

• A proba para a obtención do título de bacharelato para persoas maiores de vinte anos ten como obxectivo facilitarlle aos cidadáns que non puideron acadar dita titulación no período de escolarización ordinario a súa obtención mediante a realización dunha proba e sen necesidade de estar escolarizado. Estas probas facilitan que as persoas poidan acreditar os coñecementos adquiridos fóra do sistema educativo e así mellorar o seu desenvolvemento persoal para continuar estudos ou para incorporarse a un traballo sen necesidade de cursar estudos de ningún tipo.

• Procedemento: Inscrición na proba para a obtención do título de bacharel para maiores de vinte anos.

• Código de procedemento: ED534A

• Información xeral sobre as probas para a obtención do título de Bacharelato.

Convocatoria

• Resolución do 27 de xaneiro de 2023, da Secretaría Xeral de Educación e Formación Profesional, pola que se convoca a proba para a obtención do título de bacharel para maiores de vinte anos e se ditan instrucións para a súa realización (código de procedemento ED534A).

  Fecha de publicación: 14 de febreiro de 2023

  Anuncio no portal educativo.

Proba

• Datas: A proba celebrarase en sesións de mañá e tarde o día 28 de abril de 2023.

• Lugar de realización: IES San Clemente, rúa San Clemente, s/n, 15705 Santiago de Compostela.

• Características da proba:

  • A proba organízase de xeito diferenciado segundo as distintas modalidades de bacharelato.

  • A proba consta de dous exercicios, o primeiro deles dedicado ás materias de Lingua Galega e Literatura I e II, Lingua Castelá e Literatura I e II, Primeira Lingua Estranxeira I e II, así como Filosofía e Historia de España.

  • O segundo exercicio comprenderá as materias propias de cada modalidade e itinerario elixidos.

• Superación da proba: A proba considerarase superada cando se superen os dous exercicios que a compoñen. Para aprobar cada un dos exercicios da proba deberanse obter 5 puntos na súa cualificación global e acadar unha puntuación mínima de 4 puntos en cada unha das súas partes.

• Materiais que se poden utilizar na realización da proba.

• Probas de anos anteriores.

   

Solicitude

• Prazo de inscrición: 6 de marzo ao 15 de marzo de 2023, ambos os dous incluídos.

• Destinatarios:

  Poderán participar nestas probas as persoas que cumpran os seguintes requisitos:

1. Ser maior de 20 anos ou cumprir esa idade no ano 2023.

2. Non estar en posesión do título de bacharel ou de calquera outro título declarado equivalente a efectos académicos.

3. Non estar a cursar ensinanzas de bacharelato en ningunha das súas modalidades ou réximes nin ter estado matriculado nesas ensinanzas no curso escolar 2021-2022.

    

• Modelo de solicitude:

  Anexo I: Formulario de inscrición nas probas de 2023

   

• Documentación complementaria:

1. Certificación do ditame de discapacidade no caso de que se solicite o recoñecemento de necesidades especiais, cando esta fose recoñecida por outra Administración distinta da Xunta de Galicia.

2. Acreditación de proceder doutra comunidade autónoma ou dun país estranxeiro no caso de solicitar a exención das materias de Lingua Galega e Literatura I e II.

3. Certificacións académicas ou copia do libro de escolaridade e/ou historial académico que acrediten ter superado materias que permitan validar algún exercicio da proba.

• Presentación da solicitude:

  As solicitudes de inscrición deberán presentarse en soporte papel en calquera dos centros educativos listados a continuación, ou ou en calquera dos lugares e rexistros establecidos na normativa reguladora do procedemento administrativo común, utilizando o formulario normalizado dispoñible na sede electrónica da Xunta de Galicia, https://sede.xunta.gal.

1. A Coruña: EPAPU Eduardo Pondal.

2. Santiago de Compostela: IES San Clemente.

3. Lugo: EPAPU Albeiros.

4. Ourense: EPAPU de Ourense.

5. Pontevedra: EPAPU Río Lérez.

6. Vigo: EPAPU Berbés.

Tramitación

Podes consultar todos os documentos publicados en relación a esta convocatoria tamén no portal educativo.

Máis información

Contacto:      Asesoría de Aprendizaxe Permanente.

Servizo de Ensinanzas de Réxime Especial e Aprendizaxe Permanente.

Consellería de Cultura, Educación, Formación Profesional e Universidades.

Xunta de Galicia.

Correo electrónico: educadultos@edu.xunta.es

Teléfono: 981 546549 / 981 540 289.