Título node Learning object
Instrucións para os centros participantes
Segundo o comunicado na reunión de 18 de xaneiro de 2012, os centros convocados que desexen participar na iniciativa de mellora deberán presentar a seguinte:
Documentación:
- Anexo 1 (solicitude de participación):
- Modelo 1.1: solicitude de acompañamento para primaria
- Modelo 1.2: solicitude de acompañamento para secundaria
- Modelo 1.3: solicitude de apoio para secundaria (incompatible cos anteriores)
- Anexo 2:
- Certificación do/a secretario/a no que informe da aprobación do proxecto polo Claustro.
- Anexo 3:
- Certificación do/a secretario/a no que informe da aprobación do proxecto polo Consello Escolar.
- Proxecto: terá como extensión máxima 3 páxinas (a 1 cara), tipo de letra Times New Roman, tamaño 12, interliñado 1.5. O proxecto resumirá os contidos máis relevantes, que necesariamente incluirán os seguintes aspectos:
- Datos do centro (nome do centro, código, concello, provincia).
- O centro e o seu contexto: descrición da situación actual do centro neste curso, con mención das fortalezas e debilidades.
- Actuacións que teñen previstas (hai que elixir unha das dúas):
1. Acompañamento escolar (primaria ou secundaria):
- número de grupos
- niveis educativos
- horario
2. Apoio e reforzo (só secundaria). Ámbitos de acción (seleccionaranse necesariamente os tres):
- ámbito de intervención directa co alumnado; indicaranse necesariamente cómo mínimo dúas das seguintes liñas de traballo:
- transición primaria-secundaria
- reforzo educativo complementario
- bibliotecas escolares
- convivencia escolar
- ámbito de intervención coas familias; indicaranse como mínimo unha das seguintes liñas de traballo:
- colaboración coas familias
- mediadores socioeducativos
- ámbito de intervención no contorno; indicaranse como mínimo unha das seguintes liñas de traballo:
- actividades extraescolares
- reducción do absentismo escolar
Prazo: a presentación da documentación terá como último día de prazo o venres 27 de xaneiro de 2012. Cómpre que envíen esta documentación por correo postal certificado a:
Asesoría de Programas Educativos
Dirección Xeral de Educación, Formación Profesional e Innovación Educativa
Consellería de Cultura, Educación e Ordenación Universitaria
Edificio Administrativo de San Caetano s/n
15781 Santiago de Compostela
É moi importante que envíen o máis axiña posible por correo electrónico a ficha modelo 1, co fin de axilizar a tramitación da documentación, ao seguinte enderezo: programaseducativos@edu.xunta.es (especifiquen no asunto “iniciativa de mellora”).
Nota: Ademais de poder descargar os documentos relacionados nos anexos destas instrucións, engádense dous arquivos tamén descargables con información referida ao programa PROA.