Román Rodríguez sinala os gañadores das ‘Galiciaskills 2021’ como expoñentes da calidade e modernización da formación profesional galega
Un total de 50 estudantes, acompañados dos seus titores, recibiron as medallas de oro e prata que os acreditan como vencedores nas olimpíadas da FP
Os premiados co ouro representarán a Galicia nas ‘Spainskills’, en marzo de 2022
A FP ten unha empregabilidade de arredor do 90% e incrementou o seu alumnado ata case duplicar a matrícula na última década
O conselleiro de Cultura, Educación e Universidade, Román Rodríguez, presidiu hoxe o acto de entrega das medallas de oro e prata das Galiciaskills 2021, as olimpíadas da FP, cuxos gañadores sinalou como expoñentes “da calidade e modernización da Formación Profesional galega”. Felicitou, asemade, a estes 50 alumnos pola súa excelencia. “Estamos moi orgullosos de vós, xa que sodes piares que facedes que a nosa FP sexa un sinónimo de calidade, de profesionalidade e de innovación”, afirmou.
O titular do departamento educativo da Xunta de Galicia puxo en valor o modelo de éxito destas ensinanzas na nosa comunidade. “Non hai máis que repasar as cifras dos últimos anos para comprobar que a FP galega experimentou na última década unha verdadeira revolución silenciosa”, explicou, sinalando que os datos de matrícula actuais “duplican practicamente aos que tiñamos hai 10 anos, ata superar a barreira dos 60.000 estudantes”.
Así mesmo, destacou a implantación de novas modalidades, como os másters de FP, “poñendo en marcha 13 cursos de especialización en áreas de futuro”, ou a FP Dual, “que é hoxe un dos principais valores da nosa oferta. De feito este ano acadamos a cifra récord de 160 ciclos, nos que se forman 2.000 alumnos”, dixo.
Román Rodríguez quixo facer tamén fincapé nas cifras de inserción laboral destas ensinanzas, que se sitúan no entorno do 90% e mesmo por riba no caso da FP Dual. “Agora máis ca nunca a nosa Formación Profesional é sinónimo de prestixio, competitividade, empregabilidade e adaptación ao entorno laboral”, salientou.
Unha vintena de competicións
As olimpíadas galegas da FP celebráronse entre o 5 e o 8 de outubro, en 11 centros formativos que imparten estas ensinanzas ao longo de todo o territorio galego. En total disputáronse 23 competicións relacionadas coas especialidades (skills), nas que o máis de medio cento de participantes mediron as súas destrezas e demostraron as súas capacidades na realización das correspondentes probas. O alumnado gañador da medalla de ouro participará en Spainskills, que se celebrará en marzo de 2022.
Un total de 22 expertos organizaron as cuestións técnicas e planificaron cada unha das competicións, nas que os participantes contan tamén co apoio dos seus docentes, aos que o conselleiro tamén trasladou os seus parabéns.
O representante da Xunta de Galicia estendeu tamén o seu agradecemento aos 11 centros educativos que acolleron as competicións e ás 70 empresas colaboradoras, polo seu compromiso coa Formación Profesional.
A relación de alumnado gañador de medallas de ouro e prata en GaliciaSkills 2021 e os seus titores é a que se recolle na seguinte taboa:
Especialidade |
Medalla de ouro |
Medalla de prata |
Administración de sistemas en rede |
Martín Cambón Recarey Titor/a: Diego Terrón del Valle |
Javier Fernández Pazos Titor/a: Elena Martínez Lemos |
Carpintaría |
Gabriel Besada Bernárdez Titor/a: Avelino Figueroa Lorenzo |
Hugo González Calvo Titor/a: Roberto Rivas Conejo |
Cociña |
María Emilia Piedra Iglesias Titor/a: José Miguel García Silvarredonda |
Marina Suárez Martínez Titor/a: Isaac Martín Peña |
Coidados auxiliares de enfermaría e atención sociosanitaria |
Andrea Castreje Canosa Titor/a: Eva Trasmonte Castiñeira |
Rebeca García Durán Titor/a: Diana Pereiro Rivas |
Control industrial |
Adrián López Bahamonde Titor/a: Ramón Costeira Fernández |
Hiar Abelleira González Titor/a: Ana Mª Pérez Vázquez |
Deseño mecánico - CAD |
Alberto Estévez Ferreiro Titor/a: José Carlos Breijo García |
Álex Barro García Titor/a: Alberto Pereira López |
Desenvolvemento web |
Santiago Andrade Ferreiro Titor/a: Cristina París Brandariz |
Lucía Serrano Pérez Titor/a: Julio Mosquera González |
Ebanistaría |
Manuel Goyanes González Titor/a: María del Puerto Piñeiro Guerra |
Pablo García Pérez Titor/a: Juan Francisco Rodríguez Cendán |
Floraría |
Eva Fernández Quintás Titor/a: Montserrat Vázquez Meizoso |
Ismael Soto Esperón Titor/a: Bárbara Carballal Mariño |
Instalacións eléctricas |
Manuel Antonio Alonso Álvarez Titor/a: Moisés Nicolás Pereira Martínez |
Miguel Pousada Parente Titor/a: Manuel Vázquez Rodríguez |
Mecanizado |
Antonio Manuel Presas Rodríguez Titor/a: David Queimaño Piñeiro |
Cristian Piñeiro Seijo Titor/a: Luís Abelleria Álvarez |
Mecatrónica |
Pablo Corral Méndez Iván Redondo Grandío Titor/a: José Luis Blanco Carballido |
Jorge Fernández Rial Carlos García Lores Titor/a: Bieito Calvo Méndez |
Panadaría |
Celia Vázquez Costoya Titor/a: Manuel Patiño Carou |
Antón Darío González Eirís Titor/a: Avelina Amado Fernández |
Peiteado |
Jorge García González Titor/a: Mª Reyes Guimarey Blanco |
Dyand Estefany Fernández Vera Titor/a: Ana Belén Castro García |
Pintura do automóbil |
Ismael Fernández Luaces Titor/a: Luis Abelleira Álvarez |
Anxo Garrote Espantoso Titor/a: Silvia Folgueira Rico |
Recepción hoteleira |
Sergio Martínez Calvar Titor/a: Roi Álvarez González |
Ana Otero Telmo Titor/a: Mónica Justo Calviño |
Refrixeración e aire acondicionado |
Jordi Montero Castellón Titor/a: Leticia Conde Castro |
Brais Lorenzo Fragueiro Titor/a: Joaquín Paredes Coya |
Reparación de carrozaría |
Iago Castro Abuín Titor/a: Manuel García Deus |
Iago Pérez Macías Titor/a: Gonzalo Trigo García |
Servizo de restaurante e bar |
Bruno Landrove Gómez Titor/a: Gerardo Pereira Romero |
Natalia Fernández Rey Titor/a: Marcos Moreira García |
Soldadura |
Mateo Rubal Fanego Titor/a: Eliseo Maseda Iglesias |
Nicolás Sueiro García Titor/a: Rubén Darío Gómez Casal |
Tecnoloxía da moda |
Alfonso Rodríguez Díez Titor/a: María Cruz Iglesias Viqueira |
Silvia Galván Tacón Titor/a: Raquel Álvarez González |
Tecnoloxía do automóbil |
Sergio Martínez Pajón Titor/a: Luis Gesto Lois |
Javier Noche Ferreiro Titor/a: Miguel Vilela González |
Xardinaría paisaxística |
Iván Francisco Darriba Bello Anxo Gabián Vila Titor/a: Eliseo Castro Iglesias |
Luis Fernández Mera Óscar da Silva Besada Titor/a: Montserrat Vázquez Meizoso |