Título node Learning object

Durante a vixencia do estado de alarma por coronavirus mantéñense as medidas de seguridade e atención das vítimas de violencia de xénero. Así o comunicaron tanto a Xunta de Galicia coma o Goberno central, que dispuxeron medidas para reforzar os seus servizos ante o perigo engadido polo peche dentro dos fogares.

Ademais, a Delegación do Goberno para a Violencia de Xénero acaba de publicar unha breve e clara Guía de actuación para mujeres que estén sufriendo violencia de género en situación de permanencia domiciliaria derivada del estado de alarma por COVID-19. Nela explícanse, entre outros pasos, que facer en caso de ter fillos/as en común co agresor.

Recollemos aquí os recursos que seguen dispoñibles a través das distintas administracións:

• Atención telefónica durante as 24 h nos seguintes teléfonos:

  • 112 (situacións de emerxencia)

  • 061 (non deixa rastro no teléfono)

  • 900 400 273

• Se non é posible realizar unha chamada

  • Pódese usar a APP ALERTCOPS para enviar un sinal de alerta á policía coa túa localización.

  • Vai a unha farmacia e pide a “mascarilla 12”.

• Asesoramento xurídico en liña: http://igualdade.xunta.gal/gl/content/asesoramento-xuridico-line

• Terapia de apoio psicolóxico:

  • en atención presencial

  • en atención teléfonica

• Servizo de quenda de garda para acompañamento nos momentos iniciais de presentación da denuncia.

• Apoio psicolóxico e social nas Oficinas de Atención ás Vítimas nas sedes xudiciais das sete cidades galegas.

• Apoio psicolóxico por Whatsapp: nos números 682 916 136 e 682 508 507

• Seguimento telefónico das vítimas con ordes de protección vixentes ou novas.

• Servizos administrativos de carácter esencial (ex. pagamento de axudas, bono de alugueiro social).

• Atención do Centro de Recuperación Integral para mulleres (Santiago de Compostela) e Centro de Emerxencia de Vigo.

• Atención nos centros de acollida de titularidade municipal da Coruña, Ferrol, Culleredo e Lugo, e mais nos de iniciativa social de Ourense e Burela.

Pódese completar a información nas seguintes ligazóns:

• A Xunta pon en marcha un plan de reforzo destinado á atención e protección das vítimas de violencia de xénero

• Guía de actuación para mujeres que estén sufriendo violencia de género en situación de permanencia domiciliaria derivada del estado de alarma por COVID-19. (PDF)