Proposta de concesión de bolsas destinadas ao alumnado das universidades do Sistema universitario de Galicia que participa en programas de mobilidades con países extracomunitarios no curso 2019/2020
De acordo co establecido nas bases da convocatoria, a Comisión Avaliadora acordou, con data 21 de outubro de 2019, elevar á conselleira de Educación, Universidade e Formación Profesional a seguinte proposta de concesión de bolsas destinadas ao alumnado das universidades do Sistema universitario de Galicia que participa en programas de mobilidades con países extracomunitarios no curso 2019/2020.
De conformidade co disposto no artigo 14 da orde de convocatoria a Secretaría Xeral de Universidades comunicará a proposta de resolución ás persoas seleccionadas como beneficiarias.
No caso de rexeitar a bolsa, deberán renunciar nun prazo de CINCO días contados desde a data da recepción da comunicación, a través do modelo normalizado de renuncia dispoñible na carpeta do cidadán da persoa interesada.
No suposto de producirse algunha renuncia ou baixa, tendo en conta o remanente de crédito, a Secretaría Xeral de Universidades comunicará a proposta ás persoas que figuren na listaxe de suplentes pola orde que nela aparecen.
O prazo límite para propoñer a adxudicación das bolsas a que dean lugar as renuncias ou baixas será de 10 días contados desde a data da recepción da última comunicación realizada ás persoas seleccionadas como beneficiarias.
As renuncias que se produzan con posterioridade non darán dereito a novas substitucións
Esta listaxe faise pública exclusivamente a efectos informativos. Proximamente publicarase no Diario Oficial de Galicia a correspondente orde de resolución.
