A Comisión Escolar de Alertas suspende mañá, xoves 6, as actividades no exterior dos centros educativos das provincias da Coruña e Pontevedra
Agárdase un fenómeno meteorolóxico adverso de nivel laranxa nestas zonas
Mér, 05/06/2019 - 17:36
A Comisión Escolar de Alertas tomou hoxe a decisión de suspender mañá, xoves 6 de xuño, as actividades no exterior dos centros educativos das provincias da Coruña e Pontevedra debido a un fenómeno meteorolóxico adverso de nivel laranxa por refachos de vento superiores a 100 km/hora que comezará ás 12 horas e se prolongará ata as 20 horas
Como é habitual, no caso de que as circunstancias da localidade onde se atopa o centro supuxesen un risco superior ao declarado e pasase a unha declaración de nivel superior, as direccións poderán adoptar as decisións oportunas respecto da suspensión das actividades extraescolares.