Máis de 146.500 estudantes de ESO, bacharelato e de ensinanzas de réxime especial comezarán o curso 2016/2017 este xoves 15 de setembro

Un total de 146.587 estudantes comezarán este xoves, 15 de setembro,  as clases na educación secundaria obrigatoria (ESO), bacharelato, e ensinanzas de réxime especial (ensinanzas para adultos, artísticas e deportivas), segundo os datos provisionais recompilados polos servizos estatísticos da Consellería de Cultura e Educación. Cómpre lembrar que as cifras de matriculación non serán definitivas ata dentro dunhas semanas, dado que aínda nos últimos días se realizaron exames de recuperación en secundaria. De feito, neste total non se contempla o alumnado de FP, ensinanzas nas que aínda é posible matricularse.

ESO

Segundo as estimacións e datos provisionais da Xunta de Galicia, 89.940 alumnos e alumnas comezarán o curso en ESO, o que supón un 0,5% máis ca no curso 2015/2016.

Por tipo de centros e por provincias queda do seguinte modo:

Nesta etapa educativa o alumnado non nacionalizado español diminuíu un 9,8% respecto do curso anterior.

Bacharelato ordinario

Por outra banda os mesmos datos provisionais que manexa a Consellería de Cultura, Educación e Ordenación Universitaria, indican que 31.632 alumnos e alumnas comezarán o luns as clases de bacharelato ordinario en Galicia, o que supón un 1,5% máis ca no curso 2015/2016.

No caso do bacharelato ordinario o número de alumnos e alumnas sen nacionalidade española a diferenza respecto do ano paso é dun 3,1% estudantes máis:

Ensinanzas de réxime especial

No que atinxe ás ensinanzas de réxime especial, en concreto no referido ás básicas, de secundaria e bacharelato para adultos e ao bacharelato semipresencial ou a distancia, segundo os datos provisionais o descenso do alumnado, ata os 13.568 estudantes, é do 3,5% respecto do curso 15/16.

A distribución por provincias e ensinanzas no curso 16/17 é a seguinte:

Pola súa banda, o número de estudantes nas ensinanzas artísticas e deportivas acada este curso os 11.447, un 0,6% máis ca no curso anterior.  En ensinanzas regradas de música, segundo as estimacións da Consellería, o alumnado será de 8.682 alumnos, un 0,1% máis ca no ano académico 15/16:

No caso das ensinanzas regradas de danza o número de matriculados é de 353, un 1,4% máis ca no curso 15/16; mentres que nas de arte dramática haberá 150 alumnas e alumnos, un 7,5% menos ca no ano académico anterior.

Así mesmo o alumnado matriculado en ensinanzas profesionais de artes plásticas e deseño medra un 1,4% ata chegar aos 666 estudantes. Por outra banda, nos estudos superiores de deseño haberá 720 matriculados, un 1,5% menos ca no curso anterior; mentres que nos estudos superiores de conservación e restauración de bens culturais haberá 70 alumnos, 16 menos ca no 15/16. No caso das ensinanzas deportivas o incremento  de alumnado é do 12,7%, acadando os 806 alumnos.

Formación Profesional

No caso da Formación Profesional – non incluída nos devanditos 146.587  estudantes- a Consellería está aínda a pechar os datos de matriculación, que serán difundidos en datas próximas. Aínda así, a previsión inicial realizada polo departamento educativo da Xunta de Galicia é que – contando tanto os ciclos formativos en réxime ordinario e modular como a FP a distancia, o segundo curso dos Programas de Cualificación Profesional Inicial, a FP Dual e a nova FP Básica- o número de alumnas e alumnos ascenda a máis de 50.627, o que suporía un incremento do 2,1% respecto do curso 15/16.

Centros escolares

Os centros (públicos, concertados e privados) que imparten as devanditas ensinanzas quedan distribuídos do seguinte xeito:

1. Inclúense os centros que imparten tamén o segundo ciclo de educación infantil.
2. Inclúense nesta categoría os centros que imparten exclusivamente ensinanzas de adultos