Román Rodríguez dá a saída á III Carreira Camiño das Letras, que conmemora as Letras Galegas a través do deporte e a posta en valor do patrimonio

O conselleiro de Cultura, Educación e Ordenación Universitaria, Román Rodríguez, deulle esta mañá o pistoletazo de saída á III edición da Carreira Camiño das Letras, coa que se conmemora o Día das Letras Galegas a través do deporte e da posta en valor do Camiño de Santiago.

Promovida por Xurdir S.L. co apoio do departamento de Cultura da Xunta, partiu esta mañá desde A Lavacolla ata o Estadio de San Lázaro, un circuíto de aproximadamente 11 quilómetros ao longo do Camiño de Santiago.