Elaboración de disposicións administrativas de carácter xeral

Para dar cumprimento ao disposto no artigo 9 da Lei 4/2006, do 30 de xuño, de transparencia e boas prácticas na Administración pública galega e ao disposto no artigo 41 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, publícase a relación dos proxectos das disposicións administrativas de carácter xeral que están en tramitación.
 
Título das disposicións:
- Proxecto de Decreto polo que se establecen as ensinanzas artísticas superiores de Arte Dramática, reguladas no Real decreto 630/2010, do 14 de maio, na Comunidade Autónoma de Galicia.
- Proxecto de Decreto polo que se establecen as ensinanzas artísticas superiores de Música, reguladas no Real decreto 631/2010, do 14 de maio, na Comunidade Autónoma de Galicia.
- Proxecto de Decreto polo que se establecen as ensinanzas artísticas superiores de Deseño, reguladas no Real decreto 633/2010, do 14 de maio, na Comunidade Autónoma de Galicia.
- Proxecto de Decreto polo que se establecen as ensinanzas artísticas superiores de Conservación e Restauración de Bens Culturais, reguladas no Real decreto 635/2010, do 14 de maio, na Comunidade Autónoma de Galicia.
 
Obxecto:
- Establecer o plan de estudos das ensinanzas artísticas superiores de Arte Dramática, ao abeiro do disposto no Real decreto 630/2010, do 14 de maio, polo que se regula o contido básico das ensinanzas artísticas superiores de Arte Dramática establecidas na Lei orgánica 2/2006, do 3 de maio, de educación, no ámbito territorial da Comunidade Autónoma de Galicia.
- Establecer o plan de estudos das ensinanzas artísticas superiores de Música, ao abeiro do disposto no Real decreto 631/2010, do 14 de maio, polo que se regula o contido básico das ensinanzas artísticas superiores de Música establecidas na Lei orgánica 2/2006, do 3 de maio, de educación, no ámbito territorial da Comunidade Autónoma de Galicia.
- Establecer o plan de estudos das ensinanzas artísticas superiores de Deseño, ao abeiro do disposto no Real decreto 633/2010, do 14 de maio, polo que se regula o contido básico das ensinanzas artísticas superiores de Deseño establecidas na Lei orgánica 2/2006, do 3 de maio, de educación, no ámbito territorial da Comunidade Autónoma de Galicia.
- Establecer o plan de estudos das ensinanzas artísticas superiores de Conservación e Restauración de Bens Culturais, ao abeiro do disposto no Real decreto 635/2010, do 14 de maio, polo que se regula o contido básico das ensinanzas artísticas superiores de Conservación e Restauración de Bens Culturais establecidas na Lei orgánica 2/2006, do 3 de maio, de educación, no ámbito territorial da Comunidade Autónoma de Galicia.
 
Estado de tramitación: Fase final da Lei 16/2010.
 
Calquera proposición, suxestión ou recomendación relativa a este proxecto poderá remitirse ao seguinte enderezo electrónico: xsere@edu.xunta.es