Título node Learning object

Ficha técnica

Institucións responsables:

• Presidencia da Xunta de Galicia
  • Secretaría Xeral para o Deporte
  • Fundación Deporte Galego

Ámbito: saúde / actividade física
Definición: valoración da condición física para a saúde e realización de actividades de promoción da vida activa e saudable.
Temporización: curso completo
Alumnado ao que vai dirixido: primaria, ESO e bacharelato
Centros: públicos e concertados
Límite de centros participantes: 50 centros

Criterios de selección:

Priorizara a selección dos distintos colectivos:

1. Centros que actualmente xa estean participando no programa DAFIS.
2. Centros con profesorado co curso DAFIS realizado en calquera das convocatorias realizadas.
3. Centros participantes en PDC no curso 2014-2015 e coa memoria validada.
4. Centros participantes nalgún outro dos programas de promoción de vida activa (MMAF, MOVETE+, XOGADE) no curso 2014-2015.

Completarase a selección cos seguintes criterios:

1. Adecuación do proxecto á finalidade, aos obxectivos e aos contidos do programa.
2. Calidade do proxecto presentado.

Responsable do programa:

Nome: Miguel Rodríguez del Corral
Departamento: Fundación Deporte Galego
Teléfono: 881 996 376
Correo electrónico: miguel.rodriguez.corral@xunta.es

Xustificación e obxectivo xeral

Os protocolos de valoración da condición física saudable contemplados en DAFIS pretenden medir aquelas cualidades físicas e psicomotoras que está demostrado cientificamente que gardan relación coa saúde e permite coñecer en qué estado físico se atopa a persoa para decidir cales son os aspectos que precisan mellorar e cales non. Esta valoración é fundamental para coñecer e facer un seguimento dos seus valores de condición física, a partir dos cales poder deseñar actuacións adaptadas ás súas necesidades.

Palabras clave

Actividade física. Hábitos de vida saudable.

Obxectivos específicos

PARA O ALUMNADO

• Valorar a Condición Física para a saúde do alumnado participante.
• Realización de enquisas de hábitos de actividade física, exposición dos resultados (murais, presentación, etc), programación de actividades físico deportivas para mellorar os resultados das avaliacións, etc.

PARA O PROFESORADO

• Analizar os resultados das estatísticas e informes (automáticos a través da plataforma on-line), e a súa relación co grado de saúde do alumnado.

Formación

O profesorado dos centros seleccionados recibirán formación específica sobre DAFIS (test e protocolos) e de como utilizar a plataforma en liña de obtención de datos e informes.

Temporización

A temporización abarca todo o curso escolar.

Actividades e recursos

• Formación do profesorado:
  Referencia: G1502017 Curso de formación da Plataforma DAFIS. Protocolos e test de valoración e utilización da plataforma on-line
  Centro de formación e recursos: CAFI
  Modalidade: mixta (presencial e en rede)
  Temporalización:  21/11/2015  -  30/11/2015
  Data límite de inscrición: 17/11/2015
  Lugar: CIFP Politécnico de Santiago (Santiago de Compostela)
  Prazas:  30
  Horas: 5 presenciais + 3 en rede
• Material didáctico: Os centros seleccionados recibirán o material específico para a realización das probas de valoración. Este material rotará entre todos os centros participantes neste programa, non quedando en posesión de cada centro.
• Recursos web de promoción de actividade física:
  • Plataformas-web: DAFIS (datos de actividade física saudable a tr
    avés da valoración da condición física): dafis.xunta.es
  • Plataforma de Eventos de Galicia Saudable (ferramenta de xestión de eventos de actividade física): http://galiciasaudable.xunta.gal/portada
  • Mapa de recursos xeorreferenciados Galicia Activa: galiciactiva.xunta.es