A Consellería de Cultura e Educación presenta exitosamente en México á oferta de estudos universitarios galegos na feira internacional “Euro Posgraos”
As tres universidades galegas asistiron a neste encontro apoiadas pola Consellería a través do secretario xeral de Universidades, presente no “Euro posgraos”
Coa participación, desde o día 15 ata hoxe 19 de outubro, neste encontro a Consellería continua a traballar na internacionalización do Sistema Universitario de Galicia
Os estudantes valoraron positivamente o reducido prezo dos estudos universitarios en Galicia e a amplitude da oferta
A Consellería de Cultura, Educación e O. Universitaria esta a participar na feira internacional “Euro Posgraos” que estes días se celebra en México coa presentación da oferta universitaria galega.
Xunto á Consellería tamén están representadas as universidades de Santiago de Compostela, A Coruña e Vigo, convertendo a Galicia na única comunidade española que ten presentes todas as institucións universitarias públicas. Nesta edición que se celebrou desde o 15 ata hoxe, 19 de outubro, de xeito itinerante nas cidades mexicanas de Puebla, León e Monterrey participaron máis de 50 universidades europeas sendo os países máis representados España, Alemaña, Francia e Holanda.
Durante esta semana o secretario xeral de Universidades, José Alberto Díez de Castro e a presidente da Axencia de Calidade do Sistema Universitario Galego, Patrocinio Morrondo así como representantes dos servizos de relacións internacionais das universidades de Santiago, Coruña e Vigo participaron activamente na celebración do “Euro Posgraos”.
Impulso das universidades galegas no estranxeiro
Neste encontro Cultura e Educación está apoiar e coordinar a participación das universidades galegas neste encontro, facilitando a súa presenza física no mesmo. “Euro Posgrao” trátase dun punto de encontro para avanzar na internacionalización do alumnado dos máster oficiais galegos, con acción como a captación de alumnado mexicano con excelentes cualificacións. O resultado da participación neste encontro desenvolvido en México poderase reflectir a través dun incremento do número de solicitantes de dito pais para cursar estudos de posgrao nunha universidade galega o vindeiro ano académico 2014-2015.
Euro posgrado
Durante o descorrer da feira comprobouse que o reducido prezo dos estudos universitarios en Galicia e a amplitude da oferta, xunto ao idioma son tres dos factores máis e mellor avaliados polos estudantes que demandan información sobre universidades. Así España é o destino preferido do estudantado mexicano á hora de curso estudos de posgrado en Europa.
“Euro posgraos”, chegou este ano a décima edición celebrada en México, e ten como público obxectivo estudantes de nivel superior, académicos, empresas e universidades interesado en informarse sobre as opcións de especialización académicas, en máster, doutorados, posdoutorado, en Europa. Este encontro celebrase no país azteca, Arxentina, Brasil, Colombia e Chila.