FSE+ Galicia 21-27 - Programas de Diversificación Curricular e Programas de Mellora da Aprendizaxe e do Rendemento

Os programas de diversificación curricular e os programas de mellora da aprendizaxe e do rendemento están cofinanciados polo Programa FSE+ Galicia 21-27 no marco do Obxectivo Político 4.- Unha Europa máis social mediante a aplicación do pilar europeo de dereitos sociais.

Estas actuacións, dirixidas ao alumnado de Educación Secundaria Obrigatoria, teñen por obxecto a redución do abandono escolar temperá. A posta en marcha destes programas contribúe significativamente a que un maior número de alumnas e alumnos finalicen con éxito esta etapa educativa, o que lles permitirá continuar os seus estudos e facilitará a súa futura incorporación ao mercado laboral.

En definitiva, a finalidade principal dos programas é a mellora do éxito escolar contribuíndo a que a mocidade permaneza no sistema educativo despois de finalizar a educación obrigatoria. Trátase, polo tanto, dunha medida esencial para reducir a taxa de abandono escolar temperá na Comunidade Autónoma de Galicia, que permitirá acadar o obxectivo fixado para 2030 pola Comisión Europea dunha taxa inferior ao 9%.

Os programas de diversificación curricular e de mellora da aprendizaxe e do rendemento encádranse na medida 3.f.02.- Programas de diversificación curricular, de atención á diversidade e garantía da equidade educativa, no obxectivo específico ESO4.6.- Promover a igualdade de acceso a unha educación e unha formación de calidade e inclusivas e a súa culminación, en particular para os colectivos desfavorecidos, desde a educación infantil, pasando pola educación e a formación xerais e profesionais, ata a educación superior, así como a educación e a aprendizaxe dos adultos; así mesmo, facilitar a mobilidade educativa para todos e a accesibilidade das persoas con discapacidade, na Prioridade 3.- Educación e formación, do Programa FSE+ Galicia 21-27.

A taxa de cofinanciamento do FSE+ Galicia 21-27 é do 60%. Esta achega contribúe a financiar os custos laborais do profesorado que intervén nos programas e os custos indirectos derivados da súa realización.

Normativa

• Regulamento (UE) Nº 2021/1060 do Parlamento Europeo e do Consello, de 24 de xuño de 2012, por lo que se establecen as disposicións comúns relativas ao Fondo Europeo de Desenvolvemento Rexional, ao Fondo Social Europeo Plus, ao Fondo de Cohesión, ao Fondo de Transición Xusta e ao Fondo Europeo Marítimo, de Pesca e de Acuicultura

• Regulamento (UE) Nº 2021/1057 do Parlamento Europeo e do Consello, de 24 de xuño de 2021, polo que se establece o Fondo Social Europeo Plus (FSE+)

• Decisión C(2022) 9389 final da Comisión Europea pola que se aproba o Programa FSE+ Galicia 2021-2027 (09.12.2022)

Documentos de programación e xestión

• Programa FSE+ Galicia 2021-2027

• Baremos Estándar de Costes Unitarios

Operacións seleccionadas

• PDC-PMAR 2022-2023

  • Autorización previa

  • Ficha descritiva

  • Custos simplificados

  • Centros e proxectos autorizados

  • Comunicación aos centros

Gastos de funcionamento

• 2023

Información e comunicación

• Cartel informativo

• Logotipo UE

Obrigas en materia de difusión e publicidade:

• Informar, deixando constancia material, ao profesorado e ao alumnado participante sobre o cofinanciamento das horas lectivas das materias incluídas dos programas de mellora da aprendizaxe e do rendemento de 2º da ESO e dos programas de diversificación curricular de 3º da ESO, nos centros que foron seleccionados na operación;

• Poñer no taboleiro de anuncio do centro educativo e na súa páxina web, se a tiver, o cartel anunciando a axuda do FSE+ segundo o modelo que se axunta no enlace anterior

• Na documentación e nos materiais de comunicación relacionados coa execución destes programas destinados ao público e aos participantes, incluirase unha mención que destaque a axuda da Unión de maneira visible. Tamén se recomenda incluír a referencia ao Programa FSE+ Galicia 21-27.

Enlaces de interese:

• La Dirección General de Empleo, Asuntos Sociales e Igualdad de Oportunidades de la Comisión Europea

• La Unidad Administradora del FSE (UAFSE, Ministerio de Empleo y Seguridad Social)

• Fondo Social Europeo

• Comisión Europea

• Consellería de Facenda e Administración Pública