CHARLAS "QUE NON TE LÍEN, TI ELIXES"

O pasado luns 27 de novembro os cursos de 3º e 4º da ESO tiveron as charlas “Que non te líen, ti elixes” con Iris e mais Lidia (patroa de altura, piloto da mariña mercante e capitá de pesca). Este programa que está impulsado polas Consellerías de Cultura, Educación, Formación Profesional e Universidades e de Promoción do Emprego e Igualdade, pretende o desenvolvemento de actuacións que favorezan unha conciencia libre de estereotipos de xénero e de prexuízos respecto das profesións con pouca representación feminina entre as alumnas da etapa educativa da ESO. No IES de Teis queremos fomentar unha educación libre de prexuízos e que as rapazas estuden o que lles guste. Tedes a ligazón ao vídeo promocional do sector pesqueiro que foi a charla que tivemos no noso IES. Tamén podedes ver algunhas das fotos do acto.

https://www.youtube.com/watch?v=gkvYVkkMNOM