 |
Os alumnos de 1º de Bacharelato asistiron o pasado martes a unha charla por parte do artista ferrolán Edu Pereira, especializado en fotografía dixital e CGI (Imaxe Xerada por Computadora), que lles explicou todo o relacionado co seu traballo dende diferentes perspectivas: artística, ética, técnica e laboral. Os asistentes puideron desfrutar entre outras cuestións da súa obra comentada, de demostracións da realización dun proxecto dende cero, de curiosidades sobre o traballo con famosos, e tiveron a opción de preguntar as inquedanzas xurdidas nos últimos minutos. Dende o centro agradecemos a Edu Pereira a súa colaboración e poñer o seu talento e formación a disposición do noso alumnado. |
