Os grupos de ESO 1ºA e B visitaron a lagoa da Frouxeira en Valdoviño nun dos mellores momentos da tempada, en plena migración de aves cara aos criadeiros do Norte. Un día soleado e boa visibilidade axudaron a pasar unha mañá estupenda, vendo con telescopios e prismáticos o comportamento de moitos centos de aves.
A semana seguinte fixérono os grupos 1ºC e 1ºD. Aínda que o fluxo de aves baixara considerablemente puidemos ver exemplares de case todas elas e algunha especie distinta. O día acompañou e A Frouxeira foi amable cos visitantes.
