Normativa, Calendario, Plan de actividades, Documentos, Conmemoracións, Semana cultural

LIBROS DE TEXTO CURSO 2024-2025

Lun, 2024-06-24 23:47 — Anónimo

Start: 11/06/2024 09:41

Pódese descargar a lista de libros de texto do curso 2024-2025 pulsando AQUÍ ou na imaxe.

APIs de Blogue
1 adxunto
Calendario

DESPEDIDA DO CURSO 2023-2024

Sáb, 2024-06-22 16:02 — Anónimo

Start: 22/06/2024 15:41

APIs de Blogue
Calendario

DESPEDIDA DO CURSO 2023-2024

Ven, 2024-06-21 19:20 — Anónimo

Start: 21/06/2024 18:57

Despois dunhas tarefas de limpeza, o venres 21, despedimos o curso 2023-2024 cunha Feira Tecnóloxica e Matemática no patio do IES.

A partir das 11:30, tivo lugar a xa mítica carreira de coches hidropropulsados na pista de abaixo, e para rematar, o alumnado asistiu as semi-finais e finais de fútbol coas entregas de medallas no pabellón.

Finalmente, non podíamos despedirnos este curso sen homenaxear a 2 das nosas estrelas do deporte: Lúa Arufe e Noa Romero.

Que disfrutedes todos dunhas vacacións ben merecidas e un bo verán.

Máis fotos AQUÍ

APIs de Blogue
Calendario

CONCURSO DE FOTOGRAFÍA MATEMÁTICA

Mér, 2024-06-19 20:06 — Anónimo

Start: 19/06/2024 19:56

Os gañadores do Concurso de fotografía, "As Matemáticas na natureza" foron os seguintes en cada categoría:

- 1º ESO - 2º ESO - 3º ESO.

- 1º premio: Uxía Botana (3º C) coa fotografía "A=pi+r^2"

- 2º premio: Ana Armental (3º A) coa fotografía "Distribución estocástica das flores no plano"

- 4º ESO - 1º BACH - 2º BACH.

- 1º premio: Sara García (2º Bach A) coa fotografía "O efecto das πngotas"

- 2º premio: Empate entre Carme Santamaría (2º Bach A) coa fotografía "Parábolas paralelas" e Kristopher Santander (4º ESO C) coa fotografía "O arte matemático existente na natureza"

Os premios entregaranse o venres 21.

APIs de Blogue
Calendario

GRADUACIÓN DE 2º DE BACHARELATO 2024

Mar, 2024-06-11 13:44 — Anónimo

Start: 11/06/2024 13:29

Na tarde do venres 7 de xuño, tivo lugar a Graduación do alumnado de 2º de Bacharelato no restaurante Baiuca en Ribeira.

Entre discursos emotivos, outros con pinceladas humorísticas e unhas pezas musicais de piano que amenizaron a celebración, despedimos con todo o cariño a esta promoción de mozos e mozas.

Noraboa!!!

APIs de Blogue
Calendario

FONDO SOLIDARIO DE LIBROS 2024-2025

Mar, 2024-06-04 08:39 — Anónimo

Start: 23/05/2024 08:31

Apertura do prazo de participación no Fondo Solidario de Libros de Texto e das axudas para adquirir libros de texto e material escolar no curso 2024/25.

O prazo de presentación de solicitudes comeza o luns 20 de maio de 2024 e remata o día venres 21 de xuño de 2024.

As solicitudes presentaranse por vía electrónica no formulario normalizado (ED330B-anexos I e II) dispoñible na aplicación fondolibros (https://www.edu.xunta.gal/fondolibros/), a través da sede electrónica da Xunta de Galicia, https://sede.xunta.gal/portada ou presencialmente nos centros docentes ou en calquera dos lugares e rexistros establecidos na normativa reguladora do procedemento administrativo común.

Para a presentación electrónica de solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluíndo o sistema de usuario e Chave365.

O formulario de solicitude tamén estará dispoñible nos centros educativos e na sede electrónica da Xunta de Galicia, https://sede.xunta.gal/portada.

APIs de Blogue
Calendario

PREMIOS CERTAME LITERARIO

Ven, 2024-05-31 09:04 — Anónimo

Start: 31/05/2024 08:54

“HAIKUS, PALABRAS INGRÁVIDAS PARA UN ALMANAQUE”

O 30 de maio no IES de Porto do Son vivimos un gran día para a lingua e a literatura sonense a través das creacións poéticas do alumnado. Realizamos a entrega dos premios do Certame Literario “Haikus, palabras ingrávidas para un almanaque” en conmemoración de Luísa Villalta, autora homenaxeada nas Letras Galegas 2024.

O xurado tivo moi difícil a escolla debido á gran calidade literaria dos poemas e indicou que, sen lugar a dúbidas, “Porto do Son é terra de poetas”.
A entrega dos premios das diferentes categorías levouse a cabo na biblioteca durante o segundo recreo.

Moitos parabéns a todas as persoas participantes, finalistas e premiadas!! Felicitacións por tanta orixinalidade e agardamos que a creatividade literaria continúe convosco.

APIs de Blogue
Calendario

DRAGÓN KAIAC

Mér, 2024-05-29 08:41 — Anónimo

Start: 31/05/2024 08:34

O mércores 29 de maio, o alumnado de 1º de ESO participou nunha actividade de iniciación de Dragón-Kaiac, unha modalidade perfecta para iniciarse no mundo do piraguismo.

Máis fotos na seguinte ligazón:

https://photos.app.goo.gl/p9c3RRcPmWny4p248

APIs de Blogue
Calendario

XESTIÓN DAS EMOCIÓNS

Mar, 2024-05-28 22:16 — Anónimo

Start: 28/05/2024 22:06

Os martes 7, 14, 21 e 28 de maio, o alumnado de 4º de ESO participou nun obradoiro no que traballaron a xestión emocional dende unha intervención da información, da sensibilización e con un traballo algo máis profundo no que se buscaron cambios no alumnado á hora de afrontar unha xestión emocional máis saudable. Todo o traballo a través duhna serie de estratexias que lles faciliten a súa regulación emocional.