Novas

A actitude participativa ten premio

Sáb, 23/03/2019 - 17:43

A alumna Érika Blanco de 3ºESO vén de recoller o premio que entrega a Deputación da Coruña no marco do programa Turismo Escolar, ao cal se presentou a finais do curso pasado.

O premio, consistente nun iPad Air2 para a alumna e outro para uso do centro educativo, foi entregado na Coruña o pasado mes de febreiro. O certame busca poñer en valor o coñecemento do patrimonio cultural por parte das novas xeracións para garantir a súa conservación.

A raíz da visita didáctica ao castelo de Vimianzo, a alumna elaborou unha maqueta inspirada nesta construción para completar un traballo grupal na aula de Historia medieval.

O resultado final desta experiencia dá boa conta de que a implicación e o traballo adoitan ter recompensa!

Parabéns, Érika!

PIALE CANADÁ 2016-17

Ven, 03/02/2017 - 13:27

No arquivo adxunto achégase a miña experiencia en Ottawa co programa PIALE.

Jacobo Santos Solla

2 adxuntos

Felicidades aos nosos parlamentarios!

Lun, 29/02/2016 - 20:50

Aínda que non conseguiron a clasificación para a fase final do Parlamento Xove, temos que felicitar a Sol, Mónica, Fran e Gabriel que, coordinados por Jacobo Santos, acadaron un moi bo posto 11.

O nivel dos debates foi alto pero os nosos representantes deron o mellor de si e recibiron os parabéns do xurado pola elocuencia no discurso, a seguridade no mesmo ao non precisar ler os argumentos, a axeitada xesticulación e a estruturación do tema.