ÉDELINGUA GAÑA O CONCURSO DE VÍDEOS DE CORRELINGUA 2012
Reproducimos o correo electrónico que nos achegaron da organización do correlingua 2012:
Prezadas amigas e amigos do grupo Édelingua e da EDLG do IES O Mosteirón:
Teño o pracer de vos comunicar en nome do xurado do concurso de vídeos do Correlingua 2012 que resultastes gañadores do concurso.
O xurado valorou o traballo realizado no vídeo titulado Galego, todo o que buscas e especialmente a súa emotividade e contido orixinal polo que resolveu premiar ao grupo Édelingua do IES O Mosteirón.
O acto de entrega de premios terá lugar o día 16 de abril ás 11.30 no salón de actos do IES Rosalía de Castro de Santiago de Compostela. Neste acto participarán , ademais de unha representación das entidades organizadoras do Correlingua (A Mesa pola Normalización Lingüísitica, Confederación Intersindical Galega- Ensino e Asociación Socio-Pedagóxica Galega), os concellos de Pontevedra, Vigo e Lugo, e a Deputación de Lugo.
Neste acto gostariamos de contar coa vosa asistencia como gañadores do concurso de vídeo.
Ademais informámosvos de que o premio consistirá nunha visita á Eira da Xoana, unha finca situada no concello de Agolada e xestionada pola Asociación para a Defensa Ecolóxica de Galiza o sábado día 19 de maio, onde se realizarán diferentes actividades de coñecemento da natureza da zona e arredor do Día das Letras Galegas.
Dende o IES O Mosteirón felicitamos a todos os que dunha ou doutra maneira participaron na produción deste vídeo. "GALEGO, TODO O QUE BUSCAS".
LORENZO SILVA VISITA O MOSTEIRÓN
Mirade as fotos da visita:
VISITA Á FUNDACIÓN BARRIÉ - PRIMEIRO DE ESO
O pasado 14 de marzo, os alumnos de primeiro de ESO foron visitar á Fundación Barrié. Ademáis de ver as obras de arte moderna que expoñen, fixeron o obradoiro de "La pintura se expande".
Aquí tedes un vídeo demostrativo do que fixeron:
RESULTADOS DO CONCURSO FOTOLIBRO
O pasado venres, A Esperela entregou os premios do concurso de fotografía con libros Fotolibro. Debido ao éxito de participación e á calidade dos traballos presentados, vímonos obrigados a entregar catro primeiros premios e varios accésits e mencións.
Podedes ver todas as fotos que participaron
Máis información en: http://biblioaesperela.blogspot.com.es/
ROTEIRO ROSALIANO
O pasado mércores , 7 de marzo, o alumnado de 3º de ESO e 1º Bacharelato fixo este roteiro ,un itinerario que segue parte da vida de Rosalía de Castro, aínda que de xeito desordenado, dende o seu nacemento en Santiago de Compostela, o 24 de febreiro de 1837, ata o 15 de xullo de 1885 en que se produce a súa morte en Padrón. Unha sinxela ruta que percorre os camiños que ela percorreu, que fai meditar nos recantos nos que meditou. Un camiño que nos permite identificarnos intimamente con Rosalía e con Galicia, aínda que nos limitemos á cidade de Santiago de Compostela e á vila de Padrón.
Para ver o contido completo e as fotos ir a http://www.edelingua.blogspot.com/2012/03/roteiro-rosaliano.html
8 DE MARZO, DÍA INTERNACIONAL DA MULLER
As nais e avoas gañan a contenda...
HÉCTOR CARRÉ VISITA MOSTEIRÓN
Hoxe visitou o noso centro Héctor Carré, director de películas como Dáme algo, Dáme lume , A promesa e Personal movie. É autor tamén da novela Febre , que leron os nosos alumnos de 4º de ESO e 1º de Bacharelato ,e que recibiu o premio de literatura xuvenil Fundación Nova Caixa Galicia. Héctor Carré explicou o proceso de creación da súa novela, a súa relación co cine, a súa experiencia ao colaborar con Spielberg, a dificultade de rodar unha película ... e moitos máis aspectos interesantes sobre a obra .
Podedes ver as fotos neste enlace http://www.edelingua.blogspot.com/
8 DE MARZO, DÍA INTERNACIONAL DA MULLER
Gif elaborado polos alumnos de TIC en conmemoración do Día Internacional da Muller Primeiro de Bacharelato Grazas pola vosa colaboración. |
|
AS MAZÁS CASAMENTEIRAS
O venres 24 de febreiro, no 175 aniversario do nacemento de Rosalía de Castro, estreamos en Espazo Cinema As mazás casamenteiras, última produción cinematográfica de Édelingua, a produtora de audiovisuais do Equipo de Dinamización da Lingua Galega do IES O Mosteirón de Sada.
RESULTADOS DO CONCURSO AMOR, AMOR... EN CEN PALABRAS
![](/centros/iesmosteiron/system/files/u36/20100610172717-amor.gif)
- « primeira
- ‹ anterior
- …
- 30
- 31
- 32
- 33
- 34
- 35
- 36
- 37
- 38
- …
- seguinte ›
- última »
![IES O MOSTEIRÓN RSS Distribuir contido](/centros/iesmosteiron/misc/feed.png)