Ao son da oralidade |
Dentro do proxecto Ao son da oralidade, que recibiu o premio Antonio Fraguas, a rapazada de 1º e 2º ESO elaborou no último trimestre uns vídeos sobre toponimia do concello de Ames. Primeiro estudaron algúns dos topónimos da zona entre O Milladoiro e Bertamiráns partindo do libro de X. Manuel Boullón Toponimia de Ames. Logo fomos coñecer os lugares que tiñan eses nomes e alí gravaron varios vídeos. O son non é moi bo, pero queda suplido pola habilidade deste alumnado reporteiro tan excepcional:
Aínda teñen pendente de falar coa veciñanza de máis idade para descubrir como mudou o territorio no que agora viven...
|
|||
Parabéns a toda a comunidade do IES do Milladoiro por este premio e moitas grazas a Valentina Formoso, coordinadora do Equipo de Dinamización da Lingua Galega e Manuel Maseda Deán, coordinador do programa. Os dous, xunto ao noso antigo director, Víctor Santidrián e Mila Diéguez, acudiron ao Museo do Pobo Galego, representando ao centro neste acto.
|
|||
Publicación que xorde como resultado dun proxecto educativo realizado co alumnado e vinculado a un Plan Proxecta realizado no centro durante o curso 2020-2021. O proxecto pretende pór en valor o patrimonio material e inmaterial da nosa contorna. |
|||