Dinamización de Igualdade

Imaxes correspondentes ás actividades da ficha 5- "A relación dos sexos a través da Tecnoloxía" concienciando ao alumnado de 3º ESO no uso da tecnoloxía de xeito responsable e positivo e reflexionando sobre o seu uso nas relacións persoais; visiualizáronse os vídeos da web Pantallas Amigas, o vídeo doble check, debatindo sobre o seu contido; así como algúns elaborados polo equipo de dinamización dasTIC do propio centro (obradoiro de seguridade informática).  

En relación á unidade 5, desenvolveuse, ademais, o obradoiro "Cibermentorías: apoio entre iguais para a mellora da convivencia nas redes sociais en centros escolares", dirixido ao alumnado, a cargo de Javier García Barreiro, durante os VI Encontros de Centros para unha Convivencia Positiva, no IES Plurilingüe Fontexería. En paralelo, para o profesorado, tivo lugar a charla de Guillermo Cánovas, "A formación da personalidade de alumnas e alumnos en internet".

Productos finais elaborados polo alumnado de 3ºESO, en relación ás unidades 3, 4 e 6:

- Carteis resultado do análise nos medios dos clichés asociados ao modelo de amor romántico.

-Vídeo da dinámica de círculo cunha representación por parte do alumnado de 3º ESO dunha situación de presión de grupo realizada no desenvolvemento da unidade 6

Na materia de Anatomía Aplicada de 1º BAC traballaronse os prexuízos e estereotipos sexistas do alumnado, analizando o peso do argumento bioloxicista na xustificación dos mesmos. Os artigos da revista "Investigación y Ciencia: Sexo, Género y Ciencia" serviron de base á profesora para analizar as falacias bioloxicistas presentes na sociedade, así como artigos e libros da xornalista científica Cordelia Fine.

Na materia de Ética e Filosofía do Dereito, así como en Valores Éticos a perspectiva de xénero está presente de xeito transversal de maneira constante. Deixamos aquí algúns dos traballos realizados polo alumnado que o reflicten:

-A droga do amor, de Lorena Ferreirós, en Valores Éticos

-Universalismoe e relativismo: a discriminación da muller, de Brais Pena, en Ética e Filosofía do Dereito

- Misoxinia no Dereito, de Marta León, en Ética e Filosofía do Dereito

O noso alumnado de 4º ESO puido escoitar e debater con Eva Mejuto sobre o libro que leron no segundo trimestre do curos, "22 segundos".