Animación á lectura

Manuel Núñez Singala estivo cos alumnos de 3º da ESO (grupos B, C e D) e de 4º da ESO (grupos B e C) para falarlles das simplificacións e estereotipos que existen sobre a lingua galega.

O 11 de xaneiro na Biblioteca, durante o 2º recreo, farase a entrega de premios aos gañadores do concurso de lectura en alto, recitado e contacontos de textos de Álvaro Cunqueiro. Asimesmo proxectarase o anaco do programa da TVG "A revista" no que sae esta actividade.

O día 20 de decembro o escritor e ilustrador Abraham Carreiro veu ao noso centro para falar do seu libro Xoeliki cos rapaces de 1º da ESO.

Como xa ven sendo habitual, na semana anterior ás vacacións de Nadal celebramos a Semana do Comercio Xusto coa colaboración da Asociación Panxea de Santiago de Compostela. Os nosos alumnos coñeceron outras formas de consumo e de produción a través dunha serie de actividades:

- Posto de venda de produtos de comercio xusto de distinto tipo: alimentos, agasallos, libros, etc, xestionado polos alumnos.

- Exposición de carteis sobre a produción e comercialización do café na entrada do centro.

- Obradoiros acerca do comercio xusto, o consumo responsable e o aforro enerxético a cargo de membros da Asociación Panxea para os alumnos de 4º da ESO.

O día 24 de novembro recibimos de novo no noso IES a Robin Walker que nos descubriu Nova Zelandia e Australia, dous países que están nas nosas antípodas xeográficas. Foi unha charla organizada polo departamento de Inglés á que asistiron os alumnos de 4º da ESO.