Animación á lectura

Celso Fernández Sanmartín leva xa tempo recollendo historias dos nosos maiores para ofrecernos contos baseados no mundo tradicional das nosas vilas e aldeas e relatados con toda a riqueza oral da nosa lingua. O martes 29 de maio, os rapaces de 1º e 2º da ESO e de PCPI tiveron ocasión de desfrutalas, nunha actividade organizada polo EDLG.

Imaxes: http://www.edu.xunta.gal/centros/iesfelixmuriel/galeria/thumbnails.php?a...

Un ano máis os rapaces de 3º da ESO tiveron a oportunidade de asistir a unha charla-coloquio con Luis Menéndez, creador da serie documental "Terras de Acolá", sobre as terras da Lusofonía. Esta actividade completouse cunha exposición sobre estes países, no corredor de entrada ao instituto.

Artigo sobre Luis Menéndez no blog do EDLG Bico da Ría: http://www.bicodaria.com/spip.php?article934

Imaxes da charla:http://www.edu.xunta.gal/centros/iesfelixmuriel/galeria/thumbnails.php?album=100

Imaxes da exposción: http://www.edu.xunta.gal/centros/iesfelixmuriel/galeria/thumbnails.php?a...

Co gallo da clebración do Día das Mulleres Traballadoras, a biblioteca do noso instituto acolleu dúas actividades destinadas a derrubar os estereotipos de xénero, contribuíndo a crear unha sociedade máis xusta e solidaria:

• Representación teatral na biblioteca a cargo das seguintes actrices do grupo de teatro do noso centro: Elisabeth Lajos Seaje, Maite Sobradelo Sánchez, Alejandra Picón Romero, Yaiza Otero Figueira, Ángela Hermida Figueira, Laura Losada Miguéns. Imaxes.
• Concurso entre o alumnado: escolle á túa muller. Bases.
  

Durante os meses de marzo e abril, puxemos uns poemas a secar ou a que lles dé a chuvia ou o vento, segundo o parte metereolóxico. Buscamos celebrar o amor e a paixón tal e como foron expresados por diferentes autores en linguas diversas. Non sería estrano que algún decidise servirse desta material para agasallar á persoa amada...

Fotos: http://www.edu.xunta.gal/centros/iesfelixmuriel/galeria/thumbnails.php?a...

Con motivo do Día da paz, tiveron lugar toda unha serie de actividades no noso centro:

- O alumnado do Ciclo de ATSO realizou un mural que colgaron no corredor de entrada do instituto e asistiu a unha proxección de materiais audiovisuais sobre a non violencia.

- O alumnado de Ética de 4º da ESO decorou o corredor de entrada do centro cos murais que fixeron sobre os premios Nóbel da Paz.

- O alumnado de Matemáticas do 1º Ciclo da ESO traballou o tema da paz e expuxo os seus traballos no corredor da planta baixa do edificio anexo.