Información importante sobre dous procedementos.
DEVOLUCIÓN DOS LIBROS DE TEXTO DO CURSO ACTUAL
O mércores 22 de xuño, o alumnado deberá traer a clase os lotes que recibiu a comezo de curso para realizar a súa devolución. O profesorado titor recollerá os lotes na aula e entregará ao alumnado un xustificante de entrega. Só se recollerán lotes completos, é dicir, se teñen todos os libros que o alumno ou alumna tivo concedidos neste curso.
Recordamos que un dos requisitos para recibir libros de texto no curso 2022/23 é ter devolto o lote completo de libros de texto do curso 2021/2022.
Observacións:
- Pregamos que os libros de texto de 1º e 3º ESO veñan sen ningún tipo de forro.
- O alumnado de 4º ESO que se atopa na saída de fin de curso devolverá os libros o día que formalice a matrícula do curso próximo.
FONDO DE LIBROS E AXUDAS DE MATERIAL (CURSO 2022/2023)
Recordámoslles que o pasado 18 de maio se publicou a convocatoria do fondo solidario de libros de texto e axudas para adquirir libros de texto e material escolar. O prazo para presentar solicitudes rematará o día 22 de xuño de 2022 (este incluído).
As solicitudes poden realizarse por medios electrónicos (https://www.edu.xunta.gal/fondolibros/) ou de forma presencial no centro educativo solicitando cita previa por teléfono.
Poden atopar máis información na web do centro: https://www.edu.xunta.gal/centros/iesdepoio/node/1245
