Animación á lectura

Poñemos en marcha, co gallo do día do libro, o noso proxecto de biblioteca curativa "Recéitame un libro".

Escribe a túa receita e recomenda ese libro que che axudou a curar cando estabas...

Podes coller na caixa do mostrador unha tarxeta que ten un cordeliño e unha pinza na que figuran distintos estados de ánimo. Escolle aquela na que figure a emoción que a ti che espertou a lectura dese libro e que ti recomendarías a outros usuarios. A continuación, cobre no espazo en branco, no que hai un círculo, o título, autor e na parte interna da tarxeta o que máis che gustou dese libro. Por último, coloca a pinza na portada.

Hoxe as alumnas e alumnos de 2º de bacharelato que colaboraron neste proxecto tiveron a oportunidade de entregar os libros ás mulleres do Módulo 1 de Teixeiro. Pero non só iso, grazas ao equipo de orientación e inclusión deste módulo puideron coñecer como é o día a día dos internos, os talleres que realizan, as normas, os estudos que poden realizar, os diferentes módulos que ten o centro penitenciario...

Unha xornada intensa de aprendizaxe e emocións. Estamos moi agradecidas pola acollida e xa pensando en futuras colaboracións.

O alumnado puido ver a películka baseada no libro que estiveron lendo no 2º trimestre, La invención de Hugo Cabaret.

Nova reunión do Club de lectura de bacharelato para comentar a obra Gentlemind que gustou moito tanto pola historia, tan ben contada, como polos magníficos debuxos que nos trasladan ao New York dos anos 40 e ao mundo das revistas. A próxima lectura será Un tipo duro.

O club de lectura de 1º ESO volveuse reunir para comezar a segunda lectura: La invención de Hugo Carret... con curiosidade por coñecer as aventuras e misterios que oculta este libro...