Conectadas é un proxecto creado para a participación na 5ª edición de Wisibilízalas cos obxectivos de dar visibilidade a mulleres do noso entorno, promocionar ámbitos STEAM e o traballo en grupo a través das TIC.

No proxecto participaron trece mulleres, once delas conectadas directamente á nosa comunidade educativa, alumnas da ESO e Bacharelato, ex alumnas, profesoras, nai de ex alumnos e dúas profesoras e investigadoras da USC.

Agradecemenos a Flavia, Bea, Marta, Carmen, Paloma, Erica, Antía, Nerea, Noela, Eva, Cristina, Teresa e Mercedes a súa colaboración. Sen elas este proxecto non sería posible.

O proxecto foi creado por alumnado de 2º de Bacharelato nas materias de TIC II e Tradución.

“Conectadas” is a project carried out by the IES de Brion to participate in the 5th edition of Wisibilízalas, with the objective of giving visibility to women in our environment and promoting the field of STEM and teamwork through ICTs.

13 women participated in the project, 11 of whon are directly connected to our educational community as highschool students, graduates, teachers, parents of past graduates or researchers for the University of Santiago de Compostela, which is near Brion.

We would like to thank Flavia, Bea, Marta, Carmen, Paloma, Érica, Antía, Nerea, Noela, Eva, Cristina, Teresa and Mercede for their participation in this project.

We are students in our last year of highschool in the IES de Brión, and created the website in our ICT subject, with help from the students of our Translation class.

O pasado xoves 27 de maio, Anxo Carracedo veu dar unha charla ao instituto para os alumnos e alumnas de cuarto da ESO. Anxo é un catedrático en medicina legal, investigador e xenetista galego, máis concretamente de Santa Comba, aclamado e recoñecido internacionalmente debido ao seu compromiso profesional e a súa capacidade laboral. El e o seu equipo traballan constantemente en numerosos casos a nivel mundial e son o centro de labor punteiro forense do mundo, algúns dos casos máis famosos nos que traballaron son: as nenas de Alcasser, o 11 M, a operación Minstead (na que colaborou co goberno británico), o tsunami asiático de 2004 e o 11 S entre outros. Nestes traballos participa analizando probas e restos xenéticos que aparecen nas escenas do crime, axudando así a atopar datos para incriminar aos culpables.

A parte do seu labor na medicina forense, é tamén director de moitas organizacións e proxectos científicos de carácter internacional, dentro destes encontramos moitos orientados a psiquiatría, máis concretamente a trastornos como o TDH e a esquizofrenia. Grazas a todos estes logros laborais, Anxo Carracedo está nomeado este ano ao premio Príncipe de Asturias o cal supón outra meta cumprida na súa carreira.

Durante toda a charla, Anxo transmitiunos a paixón e dedicación que pon no seu traballo día a día, incentivándonos así tamén a nós a traballar de algo que nos encha e que sexa a nosa verdadeira vocación. Outros aspectos a destacar da súa persoa son a humildade ca que fala, cousa que a pesar da súa importancia como profesional nunca perde, e a súa capacidade na oralidade a cal fai que entender ao que se dedica e como o fai sexa moi doado. Por todo isto e por moitas máis razóns, Anxo é un modelo a seguir e un exemplo de que con esforzo, dedicación e paixón polo que fas podes chegar tan lonxe coma el.

Carolina Cambeiro 4ºESO A

O pasado mércores 12 de maio o alumnado de 1º de Bacharelato, acompañados polos profesores Juan Carlos Freiría e Carmen García, puidemos desfrutar dunha mañá facendo rafting polo río Miño, actividade organizada polo Departamento de Educación Física.

Ao principio, iamos facer rafting polo río Ulla, pero debido á COVID, o concello de Padrón pechou. Non obstante, iso non nos impediu realizar esta emocionante actividade, xa que puidemos realizala no Miño.

A pesar do mal tempo que parecía ía facer, pouco despois de comezar a actividade parou de chover e puidemos pasar moi bo rato e contemplar mellor a paisaxe. Ademais, alí ensináronnos cousas dos arredores, como algunhas zonas de pesca da lamprea con redes, e logo puidemos tirarnos dende unha rocha ou deixarnos levar pola corrente no último tramo do río.

Esta foi unha actividade que a maioría realizamos por primeira vez e polo tanto, conservaremos un bo recordo deste día, a pesar das caídas e baños inesperados. Ademais, en compañía de amizades fíxose moito máis divertida, facendo que pasáramos un día xenial.

Iria Maceiras, 1º Bacharelato A.

Podedes ver as fotos do rafting premendo aquí

O próximo mércores 5  de Maio estades todos/as invitados/as á charla sobre Outras Masculinidades impartida por Xosé Cabido .

Entrada libre ata completar aforo

O pasado xoves 25 de febreiro, os alumnos e alumnas de 4º de ESO de Ciencias, asistimos a unha videoconferencia na que Mireya López Borrajo, investigadora no laboratorio MJ Alonso LAB, contou a súa experiencia como investigadora na vacina da covid-19 e como muller na Ciencia.


Mireya é unha das  galegas que están a investigar nunha vacina contra a covid-19. Durante a charla Mireya espuxo o esforzo e adicación que require un proxecto dese calibre, como traballar contrarreloxio ata 12 horas ao día ou renunciar a vacacións. Porén, ela pensa que estas accións van pagar a pena cando toda a poboación estea vacinada e cando, pouco a pouco, a pandemia sexa erradicada. Ademais, explicounos como funcionaba o virus da covid, a súa estrutura e as vacinas que na actualidade se están poñendo.
Tamén fixo un percorrido pola súa experiencia formativa ata a actualidade como investigadora predoutoral nun laboratorio de prestixio a nivel mundial, contándonos as dificultades na carreira científica, suplidas con esforzo, interese e búsqueda de oportunidades. Ela tivo que traballar moi duro, máis como resultado na actualidade está formándose nunha área que lle gusta,  axudando a protexer a saúde de miles de persoas.

Julia González, Laura Pérez, Eirena Souto, Martina Sambade. Alumnas de 4º D e 4º C.

Desde o IES de Brión agradecemos a Mireya a súa participación na videoconferencia.

Por mor do cansanzo acumulado durante o trimestre, cara finais do mesmo, a necesidade de actividades máis relaxadas e diferentes facíase notar.

É aquí onde entra esta actividade do departamento de Educación Física; que se ben era diferente, non tiña nada de relaxada! Consistiu nunha xincana con preguntas sobre bádminton e sobre localizacións concretas da nosa vila. Cada estación tiña un código QR a escanear, que daba as preguntas a responder e indicaba as coordenadas no mapa cara a seguinte.

Desta maneira, alternando entre correr, trotar e andar, percorrimos todos os arredores do instituto, indo dende o campo de fútbol ata a biblioteca pública e dende o ximnasio ata residencia de maoires.

Aínda que o tempo atmosférico foi tan feroz coma os rivais, ó final todos logramos acabar a actividade respectando o tempo límite. En conclusión, foi unha boa forma de amenizar o último día, aprendendo sobre a nosa vila, repasando os contidos de bádmintón dobres traballados durante o trimestre na clase de Educación Física, e cumprindo o propósito da materia, MOVERSE!

Por Tomás M. Stetson Roch, 1º Bacharelato A

Dende o pasado venres día 11 de decembro, o IES de Brión acolle parte da mostra "XOSÉ VIZOSO. CARTEIS 1970-2016".

Esta mostra, que xa puido verse en diversas ocasións en salas de toda Galicia, recala agora, de forma fragmentada, en tres centros de ensino da nosa contorna: O IES Rosalía, o CEIP de Pedrouzos e o IES de Brión.

O alumnado terá ocasión de apreciar a obra cartelística dun artista polifacético que, pese a centrar o seu traballo no deseño de pezas cerámicas en Sargadelos (onde entrou a traballar en 1968 da man de Isaac Díaz Pardo), abarcou outros campos como o deseño e ilustración de libros e o cartelismo.

Queremos agradecer, unha vez máis, a xenerosidade deste mindoniense ilustre afincado en Brión co noso centro e o seu alumnado.

O alumnado de 2º de ESO participou nun Obradoiro de Baile Tradicional Galego nas súas horas de Educación Física os días 23 e 25 de novembro.

Miguel Barbazán, ex-alumno do instituto e membro da Asociación Cultural Cantigas e Agarimos foi o mestre deste Obradoiro.

O alumnado aprendeu, dun xeito práctico, dous dos bailes "soltos" máis característicos galegos, muiñeira e maneo.

Fixemos exercicio, pasámolo ben e aprendimos algo novo da nosa cultura!

Parabéns aos participantes e a poñer o aprendido en práctica nas foliadas, en canto a Covid nos deixe.

Podedes ver a galería completa de imaxes nestes enlaces:

• 2º ESO A
• 2º ESO B
• 2º ESO C

O IES de Brión  Súmase a iniciativa BRIÓN EN NEGRO CONTRA A VIOLENCIA MACHISTA .O dia 25N convidamos a toda a comunidade educativa a vir vestida de negro, co obxectivo de amosar publicamente a nosa repulsa contra a violencia machista.

Co lema   “Se é amor, non doe"    dende a Biblioteca fíxose  unha selección de lecturas que están  á nosa disposición.Escolleuse  tamén  unha serie de curtas en varias linguas, pois a violencia contra as muleres está presente en todas as sociedades e culturas..  O mércores visionaránse  na biblioteca. 

Tamén sumouse co cancelo #BibliotecasSTOPViolencia para visibilizar as iniciativas deste día.

O cartaz e selección de curtas

https://bibliobrion.blogspot.com/2020/11/25-novembro-dia-internacional-contra.html

Como estabamos a traballar co Origami,  engadimos  a esta iniciativa

Navega en igualdade, fai o teu barquiño:  https://bibliobrion.blogspot.com/2020/11/navega-en-igualdade-fai-tua-barquina-de.html

 Dende o Equipo de Normalización lingüística  convocouse   un concurso de HAIKUS (1º, 2º e 3º ESO)  e MICRORRELATOS (4º ESO e BACH) co lema 25 novembro VIOLENCIA = 0

VER CARTAZ

Dende o Departamento de Orientación, traballarase   co alumnado de 3º e 4º de ESO nas  horas de titoría  os distintos tipos de violencia de xénero e os  mitos do amor romántico.

 NON TES DISCULPA PARA NON SUMARTE 

 PARTICIPA NALGUNHA DAS ACTIVIDADES PROGRAMADAS