Automoción

Departamento de Automoción

VISITA AO PUNTO LIMPO.

Mér, 15/12/2021 - 14:48 — IES A Sangriña

O alumnado de 1° FP Básica, xunto cos profesores Eladio e Rubén, acudiu ao Punto Limpo con 4 colectores con residuos xerados nos talleres. O responsable do Punto Limpo, Carlos, explicoulles como separar e seleccionar os distintos residuos, e logo eles procederon con moito entusiasmo a realizar esa clasificación. Foi unha experiencia moi produtiva e moi grata para todo o alumnado.

Galicia Skills 2021

Lun, 25/10/2021 - 21:22 — IES A Sangriña

Este mes o IES A Sangriña participou nas Olimpíadas da Formación Profesional: Galicia Skills. Os participantes foron o alumno Pablo Pousa Estévez e o profesor Rubén García Ares, na especialidade de Reparación de carrozaría. A pesar de non conseguir a medalla de ouro que implica ir ao campionato de España en Madrid, Spain Skills, o resultado foi dunha boa puntuación, unha excelente competitividade e unha grande experiencia para todos. Os participantes animan aos demais estudantes a que na próxima edición participen nas respectivas especialidades destas Olimpíadas da Formación Profesional.

Programa Operativo FSE Galicia 2014-2020

Mér, 28/04/2021 - 22:47 — IES A Sangriña

No IES A Sangriña as operacións financiadas pola Dirección Xeral de Política Financeira, Tesouro e Fondos Europeos da Consellería de Educación de Facenda e Administración Pública son as seguintes:

-        Ciclo Medio 1º Xestión Administrativa
-        Ciclo Medio 2º Xestión Administrativa
-        Ciclo Medio 1º Sistemas Informáticos e redes.
-        Ciclo Medio 2º Sistemas Informáticos e redes.
-        Ciclo Medio 1º Electromecánica de vehículos automóviles
-        Ciclo medio 2º Electromecánica de vehículos automóviles

Estas ensinanzas serán cofinanciadas nun 80% polo Fondo Social Europeo (FSE), no marco do obxectivo temático 10 ”Investir na educación, na formación, incluída a Formación Profesional para o desenvolvemento das capacidades e aprendizaxe permanente” do Programa Operativo FSE Galicia 2014-2020.

II Xornadas técnico-informativas de pintura do automóbil

Ven, 07/02/2020 - 12:24 — IES A Sangriña

O departamento de Automoción celebrou as II Xornadas técnico-informativas de pintura do automóbil, coa colaboración do Grupo Recalvi. As xornadas comezaron cunha pequena charla no salón de actos a cargo do director detal do grupo Recalvi sobre as novas técnicas na pintura do automóbil, e tamen falou a dinamizadora da Consellería para informar ao alumnado sobre a FP dual. A continuación, desprazáronse aos talleres para realizar prácticas e demostracións a cargo dos técnicos aplicadores do grupo Recalvi.