Seguindo instrucións da Unidade Técnica, durante esta ponte os deshumidificadores estarán funcionando para extraer toda a humidade posible e procurar a seguridade dos equipos eléctricos do instituto. O martes 2 de novembro probaranse os ditos sistemas eléctricos e a UAC comprobará as conexións do centro. Polo cal, o martes non será posible retomar as clases.
O centro ten previsto voltar ás aulas o mércores 3 de novembro, pero esta data deberá ser confirmada nos próximos días, pois dependemos do estado das instalacións.
Pregamos a toda a comunidade educativa que estea pendente ás actualizacións desta páxina, a web oficial do IES A Sangriña, e contraste aquela información que proceda de calquera outro medio.
Agradecemos a vosa comprensión e colaboración.
A Dirección.