Events

Este ano, desde a Bibliotrega do Miño do noso centro IES A Sangriña colaboramos co centro educativo San Xerome de A Guarda, organizando unha sesión semanal na biblioteca poñendo en marcha a actividade RELATEA que consiste en que o alumnado do noso centro educativo elaboraban relatos que logo depositaban nunha caixa moi especial que dicía " Deixa aquí os teus relatos para compartir cos nosos compañeiros de San Xerome"

As usuarias e os usuarios de San Xerome escolleron aqueles relatos que lles espertaron máis interese e emoción. Foron tantos os textos creados polo noso alumnado que, os nosos colaboradores de San Xerome se atoparon na obriga de escoller seis escritos pola súa calidade e intención.

O día 21 de xuño celebramos un acto no Centro San Xerome onde as seis persoas premiadas do IES A Sangriña, a saber, Blas Alonso, Néstor Lomba, Vega Inés Farias, David Mariño, Iván Justo e Hugo Rodríguez, leron os seus relatos e foron premiados cunha actividade de descenso en piragua ofrecida polo Departamento de Educación Física, un agasallo elaborado polos usuarios do centro San Xerome e un vale agasallo da Biblioteca do centro para trocar por material de lectura. Foi unha actividade moi gratificante polo que supón de integración e colaboración entre os dous centros.

Desde a Bibliotrega do Miño queremos agradecer a Patricia e a todos os profesionais do centro San Xerome e ao seu alumnado a súa colaboración e xenerosidade. 

Para rematar a viaxe lectora deste curso, hoxe 21 de xuño o club de lectura "Na Raia" recibiu na Bibliotrega os alumnos e alumnas de 6º de Educación Primaria do CEIP A Sangriña. Os lectores e lectoras na raia contáronlles o que fixeron durante o curso, os libros que leron, as actividades que compartiron, o seu paso polas Xornadas de Clubs de Lectura...

Os futuros compañeiros e compañeiras escoitáronos con atención e tamén falaron dalgunhas das súas lecturas deste ano, recomendando obras como por exemplo Dúas bágoas por Máquina, de Fina Casalderrey.
Foi un pracer compartir ese tempiño, e parece que moitas e moitos xa están dispostos a converterse en "lectores e lectoras na raia" o próximo curso.

Vémonos en setembro. O club de lectura "Na raia" deséxanos a todas e todos un fantástico verán cheo de boas lecturas!!!

Onte, un grupo de 20 alumnas e alumnos de 2° de ESO asistiu ao acto organizado pola Deputación de Pontevedra, Concello da Guarda e Mulleres en acción "Violencia zero" , en contra da violencia de xénero.
O acto consistíu na realización por parte dunha recoñecida artista, de retratos dalgúns alumnos e alumnas voluntarios, que posteriormente eran desdebuxados, simbolizando a inexistencia de xéneros.

Convócase a Comisión de Coordinación Pedagóxica este mércores 21 de xuño, de 16:00 a 17:00 h, na sala do profesorado.

Convócase a todas as persoas representantes á reunión do Consello Escolar, que se celebrará o mércores 21 de xuño de 19:30 a 20:30 h na biblioteca do centro.