Events

Reportaxe do intercambio co Lycée Jean Bart de Dunkerque (Francia), realizado por alumnado de 1 de bacharelato no pasado mes de xaneiro, dentro do Proxecto BODY.

Dúas alumnas de terceiro de ESO do noso centro, Lucía Braga e Uxía Vicente, están a estudar no Collège Boris Vian de Dunkerque (Francia) desde o pasado martes 12 de xaneiro. Son dúas rapazas de tan só 15 anos, con ganas de coñecer outros modelos educativos europeos, que inician unha nova etapa aproveitando as oportunidades que lles ofrecen os programas Erasmus +.

Esta mobilidade de estudantes está integrada no Proxecto Europeo BODY coordinado polo centro anfitrión, que aposta pola internacionalización e desenvolvemento das capacidades educativas e formativas dos nosos estudantes.

A asociación Arela impartiu esta mañá para o alumnado de 3° de ESO unha charla divulgativa sobre a Lei do menor (Lei orgánica 5/2000 de responsabilidade penal dos menores) cun claro obxectivo preventivo das condutas infractoras máis salientables na adolescencia, facendo especial fincapé no maltrato familiar, o acoso escolar e as redes sociais, e explicando as consecuencias legais e a responsabilidade dos menores en cada unha desas situacións.