Events
A visita a Madrid quedou establecida como parte importante das actividades complementarias do departamento de música. Nesta ocasión asistimos a dous musicais: El Rey León e Priscilla, Reina del Desierto. Así mesmo, sempre foi obxectivo fundamental na organización desta actividade aproveitar o desprazamento a Madrid para visitar algún museo (Museo do Prado e Museo Nacional Centro de Arte Reina Sofía), o Zoo-Aquarium ou percorrer os lugares máis emblemáticos da cidade (Madrid das Letras, Madrid dos Austrias...).
Coma tódolos anos, os rapaces viñeron encantados coa viaxe. Consideramos moi importante, polo
tanto,manter esta actividade para os vindeiros cursos.
Os profesores acompañantes foron Alfredo Garrido Navas (Departamento de Música) e Noelia Vallina Pascual (Departamento de Francés).
O próximo luns 27 de abril ás 16:00 o IES A Sangriña de A Guarda acollerá unha charla sobre o proxecto europeo Comenius “My community and history in OpenStreetMap” a cargo dos profesores Madalina Jonescu (Romanía) e Manfred Reiter (Alemaña),coordinadores do proxecto.
“My community and history in OpenStreetMap” vense desenvolvendo dende o ano 2013 coa participación de Alemaña, Reino Unido, Turquía, Romanía e España, e entre os seus obxectivos está o de “mapear” as zonas de interés de cada comunidade, incluíndo non só datos xeográficos, senón tamén históricos e culturais.
Nos últimos días o alumnado do IES A Sangriña realizou o “mapeo” do Castro de Santa Tegra e o Via Crucis en colaboración con alumnado procedente das localidades de Rm. Vâlcea (Romanía) e Saarburg (Alemaña), que están a visitar a nosa comunidade.
A charla abordará ademais temas como a labor do equipo humanitario HOT do proxecto en crises recentes como a do ébola en África Occidental.
O vindeiro venres, 8 de maio, xuntarémonos para facerlle a despedida a Juan, conserxe de toda a vida do IES A Sangriña.
