ANPA

IMPORTANTE - Devolución de chaves de taquillas

Lun, 07/10/2024 - 01:15

Prezadas familias:

Informámosvos de que nestes momentos hai 60 persoas que eran usuarias de taquillas o ano pasado pero este ano nin solicitaron nova taquilla nin devolveron a chave da taquilla que usaban o ano pasado.

Polo tanto, temos inutilizadas esas 60 taquillas (1/4 do total), e en certos cursos, non podemos entregarlles chaves a persoas que a solicitaron, porque as chaves seguen en poder das persoas que as usaban o ano pasado e que este ano xa non as precisan nese lugar.

Supoñemos que é fácil entender que isto provoca que non se poida facer unha boa xestión das taquillas nin dar un bo servizo.

Polo tanto, rogamos a estas persoas que non renovaron a inscrición como socias da anpa que:

- Se non queren taquilla, devolvan a chave depositándoa no buzón da anpa nun sobre no que se poña o nome da/o alumna/o e o número de taquilla. Deste xeito poderá usar outra persoa esa taquilla.

- Se van querer taquilla este ano, fagan o trámite de facerse socias e solicitar taquilla. Está a información na web (https://www.edu.xunta.gal/centros/iesarcebispoxelmirez2/taxonomy/term/14) e foi enviado a finais de xuño por correo electrónico o correspondente aviso para facer o trámite. Neste caso, se van querer cambiar de taquilla, tamén agradecemos que se entregue o antes posible a chave para cambio e así poderá usar outra persoa a taquilla vella.

Moitas grazas

A Xunta Directiva da ANPA do IES Xelmírez II

Ler máis

Entregas de chaves de taquillas e solicitudes de cambios

Xov, 26/09/2024 - 19:39

Prezadas familias:

Informamos de que a partir do próximo luns, día 30 de setembro, iranse entregando progresivamente as chaves das taquillas ás persoas que a solicitaron por primeira vez. O alumnado non terá que facer nada, xa lle será entregada a chave na aula por parte das conserxes ou do profesorado. Non serán entregadas todas as chaves no mesmo día, senón que se irán entregando pouco a pouco en días sucesivos e tentaremos facelo da forma máis rápida posible.

Por outra parte, aquelas persoas que teñan a taquilla lonxe da súa clase e queiran cambiala deberán meter a chave nun sobre (pode pedírselle un sobre ás conserxes), poñer no sobre “cambio taquilla”, o nome da/o alumna/o e o número de taquilla, e depositar o sobre no buzón da anpa, que está enfronte da conserxería. Non é preciso que se indique onde se quere a nova taquilla, porque xa nós miramos en que clase está esa/e alumna/o e xa buscamos unha taquilla próxima.

Cota de socia/socio e alugamento de taquilla 2024-2025

Ven, 21/06/2024 - 12:14

Prezadas familias:

Tal como foi decidido na última asemblea xeral (novembro de 2023), para o próximo curso 2024-2025 a cota da anpa pasará a ser de 15 € por familia. O alugamento de taquilla será de 10 € (5 € para a taquilla da/o segunda/o filla/o).

Para facerse socia/o o procedemento é o seguinte:

Debedes baixar o documento ANPA-Asociarse 2024-2025.pdf do final desta entrada (onde pon “1 adxunto”) e encher os datos familiares e da/do(s) alumna/o(s).
Deberedes ingresar a cantidade corresponde á cota de socia/o (+ taquilla(s), se procedese) na conta bancaria que se indica no propio documento, e escaneade ou fotografade o xustificante do ingreso.
Enviade ambos os documentos ó correo electrónico da anpa (anpa.xelmirez2@gmail.com).

O documento para facerse socia/o (ANPA-Asociarse 2024-2025) é un pdf editable no que podedes encher os vosos datos. Aínda así, pode dar erro dependendo do visor de pdf que usedes. En todo caso, podedes imprimilo, encher os datos a bolígrafo e escanealo ou fotografalo.

Agradecemos que realicedes este trámite antes do 1 de setembro.

1 adxunto

Devolución de chaves das taquillas:

Mar, 18/06/2024 - 18:25

Rogamos que aquel alumnado que é usuario de taquilla, chegada a fin do curso, proceda do seguinte modo:

- Se abandona o instituto este ano ou non vai solicitar o servizo de taquilla para o ano 2024-2025, pedímoslle que devolva a chave da taquilla. Para iso debería metela nun sobre (pode solicitar un na conserxaría), poñer por fóra o seu nome e o número de taquilla, e depositar o sobre no buzón da anpa (enfronte da conserxaría).

- Se desexa solicitar taquilla novamente para o 2024-2025, debe quedar coa chave para poder usala xa desde comezos do próximo curso. A comezos de outubro empezaremos cun proceso de cambios de taquillas para quen a teña lonxe da súa nova clase (rógase que non se devolvan chaves para cambios ata que se indique).