PLAN DAFIS. Camiño de Santiago

A través do Camiño de Santiago, que vertebra unha gran actividade na cidade e comarca, aprendemos sobre diferentes aspectos relacionados tanto coa actividade física (actividades no medio natural, sendeirismo...) como con aspectos socioeconómicos nos que inflúen as distintas rutas que teñen como destino final a catedral de Santiago de Compostela.

Nos primeiros cursos da ESO vimos certos contidos teóricos relacionados coas actividades no medio natural e o Camiño, como poden ser a vestimenta, a elección de calzado, ou a preparación física precisa para realizar unha actividade de estas características para prever riscos e/ou lesións.

Todo o proceso culmina en 4º ESO, curso que realiza unha actividade extraescolar correspondente ás 3 últimas etapas do camiño Francés:

- Melide- Arzúa.

- Arzúa- O Pedrouzo (Arca).

- O Pedrouzo (Arca)- Santiago de Compostela.

Compartimos un par de imaxes da realización da actividade, levada a cabo o 6, 7 e 8 de maio.