Educando en valores

O alumnado de máis idade da nosa escola, de 5 anos, empregou o xogo “Viaxe ao Reino das Emocións”, elaborado por parte da Fundación Meniños. Como podedes observar nas imaxes, existen diversas cartas como a da calma, de actividade, de expresión emocional, etc. Deste xeito, contribuimos a potenciar e mellorar a educación emocional das/os nosas pupilas/os.

Ó estarmos traballando a relevancia da educación emocional, o alumnado de 3 anos, aproveitando as caixas dos panos de papel, elaborou os seus propios monstros de diferentes cores, cada un representando unha emoción. Amais, tamén creamos monstros-folla, que tamén simbolizarían a tristeza, a alegría, o medo, o enfado e a sorpresa. Bota unha ollada ó traballo das/os nosas/os artistas!