Practica un uso sostible da auga...

Curiosidades sobre a auga...

Celebracións e conmemoracións

en torno á auga.

A auga feita pintura, escultura,

 arquitectura...

Lendas, poemas, contos da auga...

Escoita o son da auga,

 contempla os seus movementos...

Auga de letras, letras de auga.

O abecedario da auga

 Experimenta coa auga...

A auga preséntasenos con distintos vestidos: azul, gris, transparente, vaporoso...

Descubre como é a auga e como se nos aparece.

O outro día Laura levou a casa un conto da Biblioteca de Daniel titulado "Os mil brancos dos esquimós" escrito por Isabel Minhós e ilustrado por Madalena Matoso. A Laura gustáronlle moito as ilustracións do conto, están feitas con anacos de papel. Así que ademais de levar o conto, levou un xornal porque dixo que ía intentar facer un debuxo con esta técnica (que xa practicáramos un pouquiño o curso pasado)

O luns ensinounos a súa obra de arte:             fixo un sol  e quedoulle así de bonito.

Xa nos estabamos animando para intentalo cando chegou a aula un libro novo de poemas "Ondas de verde e azul" de Ana Mª Fernández, ilustrado por Fino Lorenzo que empregou recortes de xornal nos seus debuxos: estrelas, nubes, corazóns,..

Agora sí! Xa estabamos completamente motivados. Así que nos puxemos mans á obra tendo en conta unha única condición: a temática xeral do cadro sería libre, pero teríamolo que ubicar no inverno, pois xa tocaba levar os cadros do outono para a casa e poñer na clase os da estación na que nos atopamos.

Despois do traballo quedáronnos así de bonitos: