Lingua Inglesa

A TOPE COAS LINGUAS! O NOSO CENTRO XA É PLURILINGÜE

Xov, 11/23/2017 - 21:53 — Susana R. Cougil

As profesoras e as auxiliares de conversa

Dentro oferta de idiomas estranxeiros do noso centro temos:

-Grupos plurilingües de plástica en inglés (primaria) coa profesora Irene, coordinada por Manoli, o que converte o colexio en Centro Plurilingüe.

- Aulas bilingües de Educación Física en Inglés en secundaria, con Susana, coa coordinación de Begoña.

- Inmersións e intercambios de francés, con Conchita.

Como apoio destes programas contamos coa presenza de dúas auxiliares de conversa nativas, que nos acompañarán oito meses cada curso.

É importante aprender idiomas? Descubre o que pensan as auxiliares de conversa Eve e Mackenzie, entrevistadas polos nosos compañeiros:

SLEEPY HOLLOW

Mar, 01/24/2017 - 12:37 — Anónimo

O luns 23 de xaneiro os alumnos de 3º e 4º ESO do noso centro asistiron a unha obra de teatro no Auditorio de Ourense. Viron unha adaptación de The LEGEND OF SLEEPY HOLLOW, o clásico relato de terror de Washington Irving. Tiveron así unha excelente oportunidade de ver teatro en inglés e de poñer en práctica todos os seus coñecementos na lingua, sempre prestando atención a que o famoso xinete non cortara as súas cabezas.

blogue de

A TALK ABOUT THE USA

Lun, 11/21/2016 - 10:54 — Anónimo

O alumnado de 1º e 3º ESO asistiu a unha charla cultural na aula multimedia do noso centro o xoves 17 de novembro. Esta actividade sempre lles gusta moito aos alumnos porque teñen a oportunidade de interactuar cun falante nativo en inglés. Esta vez foi Tammy, de Nova York, quen nos ofreceu unha presentación sobre os Estados Unidos. Un gran traballo da relatora e moi ben tamén o alumnado, que participou activamente na charla en inglés. Tan entretidos estivemos todos durante as dúas sesións que nos esquecemos de facer fotos. Xa teremos máis coidado a próxima vez.

blogue de

UK CULTURE CLASS

Xov, 02/13/2014 - 14:10 — Anónimo

O día 12 de febreiro todos os alumnos de secundaria asistiron a unha charla na aula multimedia do noso Centro. O título da charla foi UK CultureClass. Cunha presentación moi didáctica, amena e interactiva,Luke conseguiu queos alumnos demostraran e ampliaran os seus coñecementos sobre a cultura inglesa. E todo isto en inglés.Desexamos poder repetir este tipo de experiencia no futuro.

blogue de

SHERLOCK HOLMES

Mér, 04/24/2013 - 11:20 — Anónimo

O día 17 de abril os alumnos de 4º ESO asistiron a unha representación teatral en inglés no Colexio Salesianos, en Ourense. A obra SHERLOCK HOLMES foi excelente. Os actores deleitáronnos cunha magnífica interpretación. Todos desfrutamos da posta en escena e da música. Ao final da obra tivemos a oportunidade de facerlles preguntas aos actores, e os nosos alumnos non dubidaron en participar. Unha grande oportunidade de facer unha actividade en inglés.

SLEEPY HOLLOW

Lun, 04/30/2012 - 07:42 — Anónimo

Os alumnos de 4ºA e 4ºB asistiron a unha representación teatral en inglés no Teatro Principal, en Ourense. SLEEPY HOLLOW foi todo un éxito. Os actores, a posta en escena e a música crearon un ambiente de misterio moi adecuado para a lenda do xinete sen cabeza. Todos o pasaron moi ben practicando inglés.

blogue de

OBRADOIRO DE MONICREQUES EN INGLÉS

Lun, 04/16/2012 - 09:19 — Anónimo

Os alumnos de 2ºA e 2ºB participaron nun OBRADOIRO DE MONICREQUES EN INGLÉS. Demostráronnos as súas dotes teatrais. Eles mesmos prepararon o escenario, interpretaron as personaxes usando monicreques, puxeron a música e gravaron a súa actuación. Usando un conto infantil clásico pero un pouco cambiado (The ThreeWolfes and thePig), pasárono ben. E todo isto practicando inglés.

blogue de

A Trip to Britain

Mér, 03/28/2012 - 09:29 — Anónimo

O mércores, día 21 de marzo, os alumnos de 3ºA e 3ºB, asistiron a unha charla en inglés na aula multimedia do noso centro. O título da charla foi “A Trip to Britain”. Cunha presentación moi didáctica, amena e interactiva, os alumnos demostraron e ampliaron os seus coñecementos sobre a cultura inglesa. Agradecemos á editorial Burlingtono seu patrocinio, aos alumnos a súa colaboración e ao relator, Nick, a súa espectacular presentaciónDesde o departamento de inglés desexamos poder repetir este tipo de experiencia no futuro.

blogue de

AUXILIARES DE CONVERSA

Ven, 11/04/2011 - 11:31 — Anónimo

Informamos ás familias que a partires do luns 7 de novembro, contaremos no centro con dúas auxiliares de conversa, Phili e Amy, que farán o apoio das profesoras de Inglés.

Esto facilitará a aprendizaxe da lingua inglesa do alumnado tanto en infantil e primaria como en secundaria posto que terán a oportunidade de falar con dúas profesoras procedentes do Reino Unido.