OBRADOIRO "RELACIÓNATE" DO CENTRO QUÉROTE + PARA ALUMN@S DE 1º ESO

Hoxe martes, 29 de Marzo terá lugar o Obradoiro "Relaciónate" do Centro "Quérote" da Consellería de Traballo e Benestar, para alumnos e alumnas de 1º de ESO. Este obradoiro será impartido por Técnicos do Centro Quérote de Ourense e está organizado polo Departamento de Orientación do Centro dentro do Plan de Orientación e Convivencia do centro.

"Nalgunhas ocasións, nas relacións que se establecen aparece actitudes como a rivalidade, a competitividade, a insolidariedade, e o abuso. Poden xurdir por moi diferentes razóns pero frecuentemente teñen efectos negativos para as persoas que o viven. Poden darse situacións que a miudo comezan como unha burla ou broma, ás veces sin ser intencionada, pero pouco a pouco vanse convertindo en algo de todos os días, podendo mesmo derivar en situacións de acoso."