Lingua e literatura castelá

Boas!

Esta semana imos ver o punto. Para iso, tedes que dirixirvos á páxina 173 do libro.

Os exercicios esenciais son copiar o cadro amarelo, facer o 2 e o 3.

Reforzo: ademais dos exercicios anteriores, copiar a parte de teoría.

Ampliación: facer o exercicio 1 e o 4.

Unha vez feitos, enviádesme fotos por mail para podervos guiar e/ou corrixir.

Levades adxunto o solucionario da semana anterior e unha enquisa educativa.

Moi boas.

Dado que a semana pasada tivestes que facer os exercicios da páxina 171 relativos á acentuación dos ditongos e tritongos, un concepto de lenta asimilación, propóñovos que me enviedes unha imaxe das tarefas corrixidas aquelas persoas ás que non llelo corrixín xa por mail.
O motivo polo que non vos mando máis tarefas esta semana é para non sobrecargarvos e quero que asimiledes ben este concepto para poder seguir coa acentuación dos hiatos a vindeira semana.
Por favor, non dubidedes en preguntarme calquera cousa se o precisades.
Deixo o solucionario colgado na parte baixa da páxina.
A maiores, propoño unha tarefa de repaso de conceptos para quen tiña reforzo ou algunha das avaliacións suspensas-> copiar a teoría da páxina 170 do caderno. E como exercicios de ampliación voluntario, propóñovos o 5 e 6 da páxina 171.

Boas de novo!

Para non variar moito no tipo de actividades e que vos sexa máis levadeiro, imos seguir na mesma tónica e envíovos as seguintes tarefas:

a) Autocorrixirvos co solucionario que vos deixo colgado no adxunto. Só tedes que clicar nel e abrilo para velo.

b) Os exercicios de repaso da acentuación da páxina 170: 1 e 2.

c) E os exercicios 2 e 4 da páxina 115.

Como vedes, esta semana son uns pouquiños menos. Agora que vos deixan saír un pouco, non perdades de gozar algo ao aire libre. Desfrutade do venres festivo e non esquezades que esta finde é o día da nai. Recordade que podedes facer as vosas consultas por mail e que aínda que non vos pido fotos do voso traballo (polo menos esta semana), sempre é mellor facelo. Colgarei un solucionario o luns 4 de maio para as correccións.

Saúdos,

Lorena

Moi boas, querido alumnado de primeiro! Espero que pasarades unha boa Semana Santa na medida do posible. Para esta vindeira semana, que é un pouco máis curta, déixovos as seguintes tarefas:

a) Autocorrixirvos co solucionario que tedes adxunto ao final deste comentario das tarefas anteriores.

b) Os exercicios de repaso da acentuación e da sílaba da páxina 168: 6, 7, 8, 9, 10 e 13.

c) E por último, un exercicio de comprensión lectora. Ledes o texto da páxina 104 e 105 de Wenceslao Fernández Flórez e facedes as actividades da páxina 106: 1, 2, 3, 4, 5 e 6.

Recordade, non tedes que mandarme probas de que estades a traballar, a menos que teñades consultas. Colgarei un solucionario o luns 20 de abril.

Saudiño e espero vervos pronto.

Lorena

Bos días, querido alumnado de Lingua e Literatura Castelá de Primeiro de ESO. Antes de todo, espero que esteades todos ben. Ben de corpo, pero tamén de ánimo.

As tarefas desta semana pódese dicir que son 3. Lede ben as instrucións para non perdervos. Se precisades axuda, podedes enviarme un mail ou pedirlle a un adulto que vos axude a ler. 4 ollos sempre ven máis ca 2. Alá imos:

1. Antes de nada, e o primeiriño que tedes que facer, é corrixir os exercicios da semana pasada. Para iso déixovos un pdf coas solucións que podedes descargar neste sitio (abaixo de todo ponvos 1 adxunto. Clicades aí e xa vos leva ao pdf).

2. Logo, tedes as seguintes tarefas: por unha banda ler o texto da páxina 101 e facer os exercicios 1, 3, 4, 5, 6, 7, 8, 9, 10, 11, 12, 13, 14, 15 e 19. Mentres que por outra banda tedes que copiar, sempre no voso caderno e de forma bonita, o encabezado de La exposición de un tema desde “Exponer un asunto... hasta ...emprezar a practicar cuanto antes.” e o cadriño amarelo que pon notas que atoparedes na páxina 103.

3. Por último, quero unha proba de que estades a traballar. E como? Pois tedes que mandarme unha foto das tarefas desta semana antes do luns 30 por mail.

Creo sinceramente que é unha cantidade axeitada de traballo para esta semana, co cal, teño pensado colgarvos un solucionario destas tarefas o luns 30 deste mes.

Mándovos o meu apoio e un gran saúdo a vós e ás vosas familias.