Este martes 4 de xuño, o Conselleiro de Educación, Ciencia, Universidades e Formación Profesional @romanrodriguezgal  asinou no noso CIFP un convenio de colaboración con seis empresas para sumar á oferta deste centro o ciclo de grao medio en Condución de vehículos de transporte por estrada, na modalidade Dual Intensiva, un ciclo inédito que é a primeira vez que se implanta en Galicia.

Unha das capacidades máis importantes para o emprendemento e para a vida é a "Resiliencia". Nesta ocasión quixemos dar voz ao noso alumnado, que aporta historias dignas de ser contadas. A través das súas vivencias aprendemos, comprendemos, empatizamos, nos empoderamos, superamos...A Aula de Emprendemento ábrese e inicia un proxecto inspirador para outros proxectos, vitais e profesionais.