Aula de emprendemento
Que é a Aula de Emprendemento?
No CIFP Valentín Paz Andrade créase a AULA de EMPRENDEMENTO co obxectivo de canalizar as iniciativas emprendedoras do alumnado que está próximo a finalizar os ciclos formativos; deste xeito, preténdese facilitar a inserción e desenvolvemento no mercado laboral, tamén como traballadores por conta propia.
Así, cada curso escolar, dentro do programa Aulas de Emprendemento, o CIFP Valentín Paz Andrade organiza actividades orientadas a mellora das habilidades emprendedoras de alumnado, profesorado e viveiristas:
- Obradoiros de Iniciativas Emprendedoras.
- Márketing dixital e redes sociais.
- Modelo de negocio baseado na metodoloxía Lean Start Up (CANVAS).
- Deseño do Produto Mínimo Viable. Desenvolvemento do produto.
- Análise da Viabilidade.
