Xestión de grupos
Moodle ofrece un certo soporte para a xestión de pequenos grupos de traballo, entendendo por grupo a clases de alumnos e alumnas que seguen un curso común co mesmo ou con distinto profesor/ora.
Os grupos son moi útiles, sempre que se dean as seguintes condicións:
- Que non se necesiten grupos que cambien moito ao longo do desenvolvemento do curso
- Que non sexa necesario que un estudante pertenza simultaneamente a varios grupos.
Para definir grupos hai que utilizar o enlace Grupos do bloque de Administración. Isto dános acceso á interface de administración de grupos.
Se non aparece esta ligazón é que na configuración do curso ou espazo non se activou tal posibilidade.
Creación dun grupo:
Si aínda non definimos ningún grupo, haberá que facer clic sobre o botón Crear grupo para acceder ao formulario de creación do grupo.
Neste apartado elixiremos o nome do grupo, faremos unha descrición das características do grupo, e estableceremos chaves de acceso, en caso de ser necesario.
A chave de acceso, permite asignar recursos a un grupo de alumnos, sen que o resto teña acceso ao s mesmos (exames a alumnos que se presenten a probas libres, exames a alumnos repetidores, tarefas de recuperación, etc, etc)
Unha vez creados os grupos, abrirase a páxina de xestión de grupos mostrando os grupos creados para o curso . Xunto ao nome do grupo, indícase, entre parénteses, o número de participantes que ten o grupo. Desde esta páxina poderemos crear novos grupos, eliminar e editar grupos existentes.
Para engadir usuarios a un grupo hai que seleccionalo e, a continuación, facer clic sobre o botón Agregar usuarios ao grupo. Abrirase unha páxina con dúas columnas. A da dereita listará os participantes que non pertencen a ningún grupo (os profesores e profesoras aparecerán marcados cunha almohadilla, #, diante do nome).
A columna da esquerda mostrará os membros que xa pertencen ao grupo. Para asignar persoas ao grupo basta con seleccionalas na columna da dereita e pasalas á da esquerda pulsando no botón .
Existen dous modos de funcionamento unha vez definidos os grupos:
- Modo de grupos separados: os grupos traballarán independentemente, é dicir, os estudantes dun grupo só poden ver ao seu propio grupo, sendo os demais grupos invisibles para eles.
- Modo de grupos visibles: neste caso, cada estudante traballará dentro do seu grupo, pero poderá ver o traballo doutros grupos. Este acceso é de só lectura, por exemplo, os estudantes dun grupo poderán ler as mensaxes dun foro doutro grupo, pero só poderán contestar ás mensaxes de membros do seu propio grupo.
A configuración dos grupos establecese no apartado de Configuración de curso, no apartado de Grupos, elixindo entre:
- Sen grupos
- Grupos visibles
- Grupos separados
Á súa vez, o modo de grupo pode ser definido a dous niveis: Nivel curso, que é o que vén definido por defecto para todas as actividades do curso, e Nivel actividade, para aquelas actividades que soporten grupos.
Este funcionamento se especifícase na configuración do curso por medio do parámetro Forzar. Si o curso está configurado como Forzar o modo de grupo, entón non se terá en conta a configuración de cada actividade. En cambio, se se deixa este parámetro en Non forzar, entón cada actividade pode funcionar en distinto modo de grupos (Non, Separar ou Visible).
O modo de grupo para cada actividade ou recurso indícase no modo de edición por unha serie de iconas adicionais á beira de cada elemento:
Estas iconas pódense utilizar para cambiar o modo de grupo dunha actividade particular.
Pulsando na icona o modo de grupo vai cambiando ciclicamente entre
Sen grupos / Grupos visibles / Grupos separados.
Cando os grupos están activados, aparece unha nova opción en todas e cada unha das páxinas de xestión de recursos e actividades de Moodle. Agora é necesario especificar con que grupo estase traballando en cada momento.
Na parte superior esquerda da interface mostrarase unha lista despregable para seleccionar o grupo concreto co que se traballará en cada momento.
O profesorado sempre ten acceso a todos os grupos.