Novas

A Consellería de Educación vén de publicar a ORDE do 29 de abril de 2022 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2022/23

Elaboramos un pequeno resumo das instruccións a seguir. Para consultalo fai click AQUÍ

De conformidade coa disposición adicional primeira da Orde do 12 de marzo de 2013 que regula o procedemento de admisión de alumnado en centros docentes sostidos con fondos públicos, o 11 de xaneiro de 2022 inícianse os trámites do procedemento de reserva de praza nun centro de adscrición para alumnado que cambia de etapa.

O alumnado de 6º de Educación Primaria do CEIP Plurilingüe Virxe do Corpiño ten preferencia na reserva de praza para 1º da ESO no IES Río Miño de Rábade. Para facela efectiva deberá presentar:

-SOLICITUDE TELEMÁTICA, a través da Sede Electrónica accedendo a:https://sede.xunta.gal/detalle-procedemento?codtram=ED550A&ano=2018&numpub=2&lang=gl con usuario de Chave 365 ou con certificado dixital.

-SOLICITUDE PRESENCIAL no despacho de secretaría do colexio en horario de 15:00 a 16:00 horas. (Deben entregala os pais/nais ou titores legais).

O prazo de solicitudes abranguerá do 11 de xaneiro ao 8 de febreiro de 2022, ambos incluídos.

A consulta das listaxes de alumnado admitido, que se publicarán antes do día 28 de febreiro, debe realizarse no centro no que está matriculado no presente curso ou na aplicación admisionalumnado.

Pódese descargar a solicitude facendo click AQUÍ

De conformidade co establecido na Resolución do 20 de setembro de 2021 (DOG 29/09/2021), realizarase proximamente neste Centro a renovación do CONSELLO ESCOLAR, que é o instrumento de participación na vida escolar de todos os sectores educativos do Colexio.

A organización e a supervisión do procedemento de elección dos novos membros do Consello Escolar estará a cargo da Xunta Electoral que se constituirá ao efecto, e estará integrada por:

-  O Director do Centro.

-  Un profesor ou profesora.

-  Un pai ou nai ou titor legal.

0s dous últimos serán designados por sorteo segundo establece o artigo 30 do Decreto 92/1988, do 28 de abril, redactado conforme ao establecido na disposición adicional primeira do Decreto 324/1996, do 26 de xullo (DOG do 9 de agosto). Dito sorteo, que será público e no que se preverá a designación de membros suplentes, celebrarase neste centro o próximo mércores día 3 de novembro de 2021, ás 10:30 horas no Despacho de Dirección. 

Aqueles membros da comunidade educativa que desexen presentar as súa candidatura para formar parte do novo Consello Escolar deberán seguir as instrucións e calendario que a partir do día 4 de novembro se irá expoñendo nesta páxina web.

O Director

Convócase ás familias do alumnado de 3º e 4º de Educación Primaria a unha reunión coa titora, que terá lugar o luns día 27 de setembro ás 16:30 horas no salón de actos da Casa da Cultura de Begonte.

NORMAS XERAIS

• Só poderá asistir unha persoa por familia. Os nenos/as non poden asistir.
• O uso de máscara protectora é obrigatorio.
• Desinfectar as mans na entrada co xel hidroalcohólico.
• Manter a distancia interpersoal de 1,5 m en todo momento.

Convócase ás familias do alumnado de 1º e 2º de Educación Primaria a unha reunión coa titora, que terá lugar o mércores día 22 de setembro ás 16:30 horas no salón de actos da Casa da Cultura de Begonte.

NORMAS XERAIS

• Só poderá asistir unha persoa por familia. Os nenos/as non poden asistir.
• O uso de máscara protectora é obrigatorio.
• Desinfectar as mans na entrada co xel hidroalcohólico.
• Manter a distancia interpersoal de 1,5 m en todo momento.