Desde o minuto 0 traballamos por un Virxe do Corpiño que marque as diferenzas na educación en competencias dixitais. Hoxe demos un paso de xigante, xa que fomos seleccionados para participar no Proxecto “Digicraft”, impulsado por Vodafone España xunto coa Consellería de Educación.
Digicraft deixará aos nosos alumnos/as coa boca aberta e espertará de forma natural o seu interese pola tecnoloxía e o mundo dixital: traballaremos os contidos do currículo a través do deseño de videoxogos, escape room virtual, realidade aumentada, realidade virtual, creación dun avatar en 3 Dimensións…e moito máis.
Para o centro supón asimesmo unha dotación material moi importante: os nosos nenos/as terán á súa disposición 12 tablets e 2 maletas “Instant Dixital Skills” cargadas con novidosos materiais tecnolóxicos.
Nós seguimos traballando! O cole segue avanzando!
