Comedor e transporte

Hoxe abre o prazo para solicitar os servizos complementarios de comedor e transporte escolar para o vindeiro curso. Tamén abre o prazo para solicitar colaborar no comedor.

Qué documentación teño que entregar?

• Solicitude de transporte e/ou comedor.
• Documentación que acredite o criterio alegado para o comedor, se é o caso (indicada na solicitude).

E o anexo de autodeclaración para o comedor?

Todo o alumnado admitido no comedor que queira optar ao pago reducido das taxas do comedor debe entregar o anexo de Autodeclaración cós datos da Renda 2023. Facilitarase en canto o publique a Consellería.

Onde entrego a documentación?

Na administración do centro no horario:

    luns a venres: 9:30 - 11:00h e 12:30 - 14:00h 

    luns: 15 - 17h

Qué prazo teño para facer a solicitude?

• Alumnado xa matriculado no centro: antes do 20 de xuño.
• Novo alumnado: do 20 ao 30 de xuño (ao facer a matrícula).

E se quero colaborar no comedor?

Hai que cubrir o impreso correspondente e entregalo cuberto en Administración. Valorarase positivamente ter o curso de hixiene e manipulación de alimentos.

Información sobre o procedemento

Para dúbidas e consultas:

• Teléfono 881 880 447.
• Correo electrónico: administracion.ceip.vicente.otero@edu.xunta.gal
• Presencialmente en administración no horario:

             luns a venres: 9:30 - 11:00h e 12:30 - 14:00h 

             luns: 15 - 17h

Informámolas de que se atopa publicada a listaxe provisional de admitidos e excluídos no comedor para o curso 23-24.

A listaxe pode consultarse no taboleiro que está no interior do centro de 9.00h a 14.00 h ou no teléfono 881880446.

O prazo de reclamacións abrangue desde mañá, venres 14 de xullo ata o xoves 20 de xullo, ambos incluídos. As reclamacións presentaranse por escrito na administración do centro en horario de 10.00 h a 13.00 h, non é preciso pedir cita.

A listaxe definitiva publicarase ao rematar o prazo de reclamacións. Asemade, as persoas que aparecen admitidas na listaxe provisional xa poden presentar a autodeclaración, poden descargar o modelo da páxina web ou solicitalo na conserxería do centro.

A data límite para a entrega da autodeclaración é o 1 de setembro. A autodeclaración pode entregarse cuberta por correo electrónico a administracion.ceip.vicente.otero@edu.xunta.gal.

O alumnado excluído queda pendente da presentación de documentación ou pago de taxas.

As familias que marcaron o criterio “Outro alumnado do centro” na solicitude quedan pendentes para a adxudicación definitiva.

Anexo IV

Informámolas de que se atopa publicada a listaxe provisional de admitidos e excluídos no comedor para o curso 22-23.

A listaxe pode consultarse no taboleiro que está no interior do centro de 9.00h a 14.00 h ou nos teléfonos 881880446/881880447.

O prazo de reclamacións abrangue desde mañá, venres 15 de xullo ata o xoves 21 de xullo, ambos incluídos. As reclamacións presentaranse por escrito na administración do centro en horario de 10.00 h a 13.00 h, non é preciso pedir cita.

A listaxe definitiva publicarase nos primeiros días de setembro. Asemade, as persoas que aparecen admitidas xa poden presentar a autodeclaración, poden descargar o modelo da páxina web ou solicitalo na conserxería do centro. A data límite para a entrega da autodeclaración é o 7 de setembro. 

Atópase publicada no centro a Listaxe Provisional de admitidos e excluídos no comedor escolar para o curso 2021/2022.

Aquel alumnado que estea admitido provisionalmente pode facer xa entrega da autodeclaración de comedor. Esta entrega pode realizarse ata o 9 de setembro, ben por correo electrónico ou na administración do centro, de 9:30 a 12:30h.

O prazo de reclamacións abrangue dende o 16 ata o 22 de xullo (ambos incluídos)