Admisión e matrícula

Quén ten que facer a matrícula?

Todo o alumnado admitido no centro, incluido o que ven de centro adscrito (CEIP Tabeaio).

Qué datas e horarios hai para facer o trámite?

Hai que formalizar a matrícula entre o 20 e o 30 de xuño (ambos incluidos) para non perder a praza obtida.

O trámite pode realizarse a través de correo electrónico (administracion.ceip.vicente.otero@edu.xunta.gal) ou presencialmente na Administración do centro no seguinte horario:

20 de xuño: 9:30 a 11 e 12:30 a 14:00

25 a 28 de xuño: 10:00 a 13:00

*O día 21 de xuño administración permanecerá pechada por motivos organizativos.

*O 24 de xuño o centro permanecerá pechado por ser festivo local.

Qué documentación hai que entregar?

• Anexo de formalización de matrícula debidamente cuberto e asinado: Infantil / Primaria
• Certificado médico, copia da tarxeta sanitaria e da cartilla de vacinas.
• 2 fotos tamaño carnet.
• Impresos de comedor e transporte, se é o caso.
• En 4º EI, enquisa sociolingüística.

E unha vez feita a matrícula?

As familias de 4º Ed. Infantil terán unha reunión informativa o xoves 4 de xullo ás 12:30 no centro.

Ademáis, na web do centro publicarase información para todos os niveis respecto aos listados de comedor e fondolibros, inicio de curso e outra información importante.

Resumo da información

Para dúbidas e consultas:

• Teléfono 881 880 447.
• Correo electrónico: administracion.ceip.vicente.otero@edu.xunta.gal
• Presencialmente en administración no horario de atención.

Informamos que hoxe, 25 de abril, publicáronse as listaxes provisionais de alumnado admitido e excluido no noso centro para o próximo curso.

Onde se consultan?

De xeito presencial no taboleiro do centro ou telemáticamente na aplicación admisionalumnado (identificándose con chave365 ou certificado electrónico).

Reclamacións contra a listaxe provisional

Seguindo a normativa, ábrese un prazo de 5 días hábiles para reclamacións (ante o Consello escolar) que serán resoltas coa publicación da listaxe definitiva o 15 de maio.

Finalizado o prazo de solicitudes de praza para o curso 2024/2025 infórmase de que nalgúns cursos hai mais solicitudes que prazas polo que é preciso baremar.

En qué cursos hai que baremar?

4º Educación infantil (3 anos).

1º Educación primaria.

Que implica?

Aquelas familias que queiran, poden presentar de xeito voluntario documentación complementaria á que foi adxuntada coa solicitude para xustificar os criterios de baremo alegados nela.

Ademais, no tablón do centro atópase publicada a listaxe de solicitudes a baremar e os números aleatorios que lles corresponden.

Cal é o prazo?

10 días dende o fin de prazo de solicitudes (do martes 2 de abril ata o mércores 10 de abril, ámbolos dous incluidos).

Onde se entrega a documentación?

Presencialmente na administración do centro no horario: Luns a venres 9:30 a 11 e 12:30 a 14 e Luns de 15 a 17.

Tede en conta que o centro permanecerá pechado do 23 de marzo ao 1 de abril (ambos incluidos).

Sempre que se realice a presentación de documentos separadamente da solicitude, deberase indicar o código, o centro docente, o número de rexistro de entrada da solicitude e o número de expediente, se se dispón del.

Qué documentación se pode entregar?

A que aparece no artigo 31 da Orde do 21 de outubro de 2022 pola que se desenvolve o Decreto 13/2022, do 3 de febreiro. Se xa se entregou coa solicitude a documentación acreditativa, non é preciso achegar nada máis.

Importante:

• Non se poden modificar as solicitudes nin alegar criterios que non figuren nelas. 
• As persoas interesadas responsabilizaranse da veracidade dos documentos que presenten. Cando da calidade da copia deriven dúbidas, poderase requirir o cotexo co documento orixinal.
• En todo caso, os documentos deberán ser válidos e eficaces no momento da súa presentación e reflectir a situación persoal e familiar na data de inicio do prazo de presentación de solicitudes, agás a situación económica, que será a do exercicio fiscal anterior en 2 anos ao ano natural da solicitude.

Cando saen las listaxes de admitidos e excluidos?

• Listaxes provisionais: 25 de abril.
• Listaxes definitivas: 15 de maio.

Para dúbidas e consultas:

• Teléfono 881 880 447.
• Correo electrónico: administracion.ceip.vicente.otero@edu.xunta.gal
• Presencialmente en administración

Informamos de que todo o alumnado, procedente do centro adscrito (CEIP Tabeaio) que reservou praza no noso centro foi admitido.

Publicaránse na nosa páxina web as instrucións para formalizar a matrícula.

Hoxe comeza o prazo de reserva de praza, polo que deixamos aquí a información.

Quen ten que facer a reserva de praza?

As familias de alumnado de 6º de Primaria que queiran que o seu fillo/a acuda ao IES de Carral, o noso centro de adscripción.

Cal é o prazo de reserva de praza?

O prazo para dita solicitude abrangue do 15 de xaneiro ata o 5 de febreiro.

Cómo se realiza a reserva de praza?

• De xeito manual empregando o formulario en papel. O formulario está dispoñible nos seguintes enlaces: castellano, galego.
• De xeito telemático, a través da aplicación de admisionalumnado no menú Solicitudes > Reserva > Crear. O procedemento depende de se a solicitude se cobre estando identificado ou non xa que no caso de estar identificado aparecerá a opción de presentar e asinar a solicitude por Sede Electrónica.

 Cómo e onde se presentan as solicitudes?

Preferentemente pola Sede Electrónica (con chave365 ou certificado dixital) pero tamén é posible facelo presencialmente no noso CEIP (na Administración) ou en calquera dos lugares que establece a Lei 39/2015, do 1 de outubro, do Procedemento Administrativo Común.

Atópase publicada a listaxe provisional de admitidos e non admitidos para o Curso 2023-2024, no taboleiro interior do centro. Pode consultarse no propio centro, ou ben a través da aplicación admisión alumnado empregando a chave 365 ou o certificado dixital.

Todo o alumnado que solicitou praza está admitido, agás en 1º de EP.

O prazo de reclamacións é de 5 días hábiles, a partir do seguinte á publicación.

A listaxe definitiva será publicada o 15 de maio.

Informamos que o prazo para para a matriculación de novo alumnado no centro será do 20 ao 30 de xuño.

É imprescindible solicitar cita previa no teléfono 881 880 447.  

Teñen adxuntos:

• Documento de formalización de matrícula.
• Folla de rexistro coa documentación a entregar.
• Enquisa para as familias de 4ºEI.
• Solicitude de transporte e comedor.

Deben presentar a relación de documentos que figura na folla de rexistro coa documentación a entregar:

- Impreso de matrícula correctamente cuberto.

- Solicitude de transporte escolar.

- Solicitude do servizo de comedor coa documentación xustificativa.

- Certificado médico.

- Fotocopia da tarxeta sanitaria do alumno/a.

- Fotocopia da cartilla de vacinas.

- 2 fotografías tamaño carné.

- Enquisa (no caso de alumnado de 4º de EI).