Segundo a Instrución 3/2023, sobre funcionamento dos comedores escolares de xestión indirecta no curso escolar 2023-2024,

Achéganse as instrucións para a cumprimentación e o modelo de autodeclaración para o pagamento das tarifas do COMEDOR ESCOLAR (preme aquí)

Poderase entregar por correo electrónico ata o 1 de setembro ou na secretaría do centro presencialmente, dende o 5 ao 14 de xullo ou 1 de setembro.

Xa está connosco a Revista Escolar PUNTO E COMA 2023! 

Aproveitamos para lembrarvos que para estar ao tanto das últimas novas nas actividades do

Equipo de Dinamización da Lingua Galega,

podedes visitar o blog HABELAS HAINAS 7.0 no seguinte enlace:

http://sofiacasanovaculleredo.blogspot.com.es/

FELIZ VERÁN! 

Debido ao solapamento das datas de entregas de notas coas datas de matrícula, o equipo directivo do IES Rego de Trabe decidiu facer uns cambios, aos que se poden acceder no enlace que figura ao final desta mensaxe.

O día 27 segundo vaian entregando os boletíns e certificacións académicas, xa poden ir polo IES a matricularse e o día 28 todo o alumnado restante.

Non se recollerán sobres de matrícula aos que lle falten algunha da documentación solicitada.

Desculpen as molestias.

FORMALIZACIÓN MATRÍCULA NO IES REGO DE TRABE

 O martes 9 de maio, o alumnado de 5º de primaria gozou dunha xornada dedicada a visitar a DOMUS e o Museo de Belas Artes.

Preme na imaxe para ver pequenos intres.

O mércores 31 de maio puidemos gozar dunha tarde máxica e relaxante co obradoiro HAZ DE LUZ realizado por AKRÉ, ESPACIO EDUCATIVO.

Preme na imaxe para ver o pequenos intres.

Publicados tanto a Orde do 10 de maio de 2023 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2023/24 como recollen os seguintes aspectos:

Beneficiarios/as: Aquelas familias con alumnado matriculado en centros docentes da Comunidade Autónoma de Galicia sostidos con fondos públicos nas modalidades de gratuidade solidaria que se relacionan a seguir:

Fondo solidario de libros texto do alumnado matriculado en 3º, 4º, 5º e 6º de Educación Primaria.

Axudas para adquirir libros de texto destinadas ao alumnado matriculado en 1º e 2º de EP, e en Educación Especial (EE), así como axudas que pode recibir o alumnado incluído na disposición adicional primeira da orde.

Axudas para material escolar destinadas ao alumnado matriculado en EP e EE.

Prazo de solicitude: Do 20 de maio ao 21 de xuño (ambos incluídos). O alumnado que se incorpore ao centro docente fóra deste prazo disporá dun mes contado a partir do día seguinte ao da formalización da matrícula. Non se poderán presentar solicitudes despois do 2 de abril de 2024.

Presentar os impresos de solicitude e documentación complementaria especificada a continuación:

1. Anexo I e Anexo II

2. Copia do libro de familia ou documento equivalente, onde figure o/a alumno/a e os demais membros computables da unidade familiar.

3. En caso de separación ou divorcio, ademais, deberán aportar a sentenza xudicial e/ou convenio regulador onde conste a atribución da custodia do/da menor.