CEIP Plurilingüe de Sigüeiro

Hoxe é un día importante para todos os galegos e sobre todo para as mulleres. Lembramos, no aniversario do seu nacemento en 1837, a unha muller grande; loitadora, precursora, pioneira; unha adiantada aos tempos. No colexio levamos a cabo múltiples actividades para recoñecer e aportar o noso graíño de area para manter viva a figura de ROSALÍA DE CASTRO e o seu labor. 

Algúns de nós saímos por Sigüeiro para ofrecer o noso marcapáxinas que recollía o código QR que nos achegaba aos videos de recitados de poemas dalgúns dos nosos nenos e nenas. Que bonita experiencia, fomos polos diferentes comercios e polas rúas. Atopamos con xente encantadora.

As nosas particulares Rosalías acompañadas da figura do emigrante pasaron polas clases para recitar algún dos seus poemas.   Adios ríos, adios fontes, adios regatos pequenos...

E aínda hai máis, queda pendente o plantado das camelias de Rosalía, que por mor do mal tempo tivemos que suspender no día de hoxe, así como a visita á residencia de maiores de Porto Avieira para facelos partícipes das nosas actividades sobre Rosalía.

Tralo Entroido, retomamos as videoconferencias cos nosos socios americanos do colexio Royal Palm Elementary School de Miami. Nesta ocasión quixemos coñecer como son os nosos centros educativos así que visualizamos uns videos que prepararan as nosas mestras mostrando as instalacións e explicando como é o noso día a día no centro. Despois fixemos un concurso online de preguntas sobre os dous coles e sabedes quen quedou no podio? Pois Emma no 2º lugar e Elisa e Thiago na 4ª e 5ª posición. Parabéns a Flavio e Jason de Miami por acadar o 1º e 3º postos.

Un dos novos pasos para que o noso centro sexa  máis sostible, máis respectuoso co medio ambiente foi comprar un depósito de recollida de

auga da chuvia, xa chegou, comezamos a colocación.

Seguimos descubrindo curiosidades sobre as Olimpiadas con Punki. Desta volta, a nosa mascota fálanos da pira olímpica e de cando e onde se celebran os Xogos Olímpicos? Fai clic nos videos ou escanea os QR dos paneis informativos que atoparás no corredor da planta baixa de Primaria.

Hoxe estivo no colexio Andrea García Martínez, autora do libro "Animais fantásticos de aldea". Fíxonos moita ilusión porque ademais de gustarnos moito o seu libro, que ela mesma ilustrou, é de Sigüeiro e de nena foi alumna do noso colexio. Explicounos que é posible conseguir o que nos propoñemos se o perseguimos con empeño, ela conseguiu que lle publicasen as súas fántasticas historias ainda sendo moi noviña. Gracias a Andrea pola súa amabilidade e a Xerais.

Despois dunha semana de bromas e moitas risas chegou o Día Grande do Entroido!

A choiva fixo que tiveramos que alterar a programación prevista e así non puidemos facer o desfile cos outros coles polas Rúas e Alameda de Sigüeiro. Trasladamos o desfile ao pavillón e acompañáronnos as familias. Como nos divertimos! Hai que dicir que tamén pasamos algo de nervios porque eso de desfilar diante das familias danos certa angustia. A temática deste curso AS OLIMPIADAS, deunos pé para versionar os disfraces de cada nivel, que estiveron relacionados cos deportes. Dende a natación ata o monopatinaxe, pasando por atletismo, ciclismo, tenis, artes marciais... 

No 1º trimestre, o alumnado estivo investigando sobre os diferentes países que acolleron os Xogos Olímpicos dende a antigüidade. Coas súas pescudas elaboraron uns paneis informativos que colocamos no corredor da planta baixa do edificio de Primaria seguindo unha liña temporal. 

Agora Punki, a nosa mascota olímpica, está a engadir uns códigos QR nos que conta algunhas curiosidades sobre as Olimpiadas. Escanéaos e descubre cales son. Tamén podes visualizar os tres primeiros videos aquí.

 O Entroido chegou e o Meco ordenou.

Hoxe venres  2 de febreiro asistimos a Santiago, a ver e escoitar o conto `` O gato con botas ´´, coa Real Filharmonia de Galicia, e os títeres Perpoc.