Hoxe, 5 de xuño, a rapazada de infantil fixo a colleita das leitugas que plantou. Levaronas para o comedor e desfrutaron dunha rica e ecolóxica ensalada no seu menú.

Álbum: Curso 2023/2024 -> Voz Natura Xuño

Recollemos os chícharos que temos plantados debaixo de cada froiteira e debullámolos para comelos no comedor. As vainas acabaron no composteiro para que a nosa horta sexa circular.

Álbum: Curso 2023/2024 -> Voz Natura Maio (II)

Con motivo da conmemoración do día mundial das abellas (20 de maio), o alumnado de Arts das seccións bilingües en 1º e 2º de educación primaria, elaboraron a súa propia colmea, mentres comprendían a importancia que estes pequenos seres teñen para as persoas; tanto na produción de alimentos, como na súa importante labor como polinizadoras; así como a diminución de poboacións de abellas na actualidade, debido a contaminación atmosférica e a chegada doutras especies invasoras.   

Álbum: Curso 2023/2024 -> Voz Natura Maio

As crianzas de 6º de Educación Infantil desfrutaron dunha sesión de contacontos no marco do proxecto Voz Natura.

Álbum: Curso 2023/2024 -> Contacontos Voz Natura

O alumnado do cole fixo un centro de camelias para conmemorar o día da Terra e concienciarnos de que os nosos actos inflúen na "saúde" do único planeta que temos. Escollemos as camelias porque cada vez teñen máis presenza na nosa zona e imos practicando para poder chegar a presentar algún día unha decoración no concurso da Pascua.

Álbum: Curso 2023/2024 -> Día da Terra 2024

O alumnado de 4º de Educación Primaria, unha vez rematadas as unidades didácticas das dúas Ciencias relacionadas cos sectores económicos, economía circular, consumo, alimentos naturais e procesados,... e despois de plantar a horta ecolóxica con Mans Unidas, esta ONG tamén nos organizou un obradoiro no que coñecemos as sementes de moitos alimentos que consumimos e que viñan desde 15  a 8.000 km da nosa casa. Cos gastos e contaminación que ten o transporte. Algunhas foron: améndoas, café, cacao, millo ou xirasol.

Esta actividade está tamén relacionada co segundo obxectivo da Axenda 2030: Fame Cero.

Álbum: Curso 2023/2024 -> Voz Natura Marzo

Hoxe puxemos o patio do cole máis bonito plantando pensamientos, verbenas, xeranios, lavanda, ourego,...

Axudounos Ana, da Floristería Iria e, ao marchar, regaloulle un tulipán a cada neno e nena, que agora coidarán e adornarán as súas casas.

Álbum: Curso 2023/2024 -> Voz Natura Febreiro

Un ano máis todo o alumnado plantou na Horta ecolóxica e tamén podamos e abonamos as nosas froiteiras. Este curso cambiamos parte da zona de plantación co fin de que as toupas e caracois non estraguen os nosos cultivos. A enxeñeira agrónoma, Carme, tamén nos deu consellos e ideas para poder plantar nas nosas hortas.

Esta semana plantamos na horta leitugas, cebolas, chícharos, patacas, porros e amorodos. Tamén fixemos sementeiras de tomates cherry, albahaca, rúcula ou taguete, que é unha colorida planta que acuda a controlar plagas nos cultivos. Seguimos apostando pola sustentabilidade e consumo de produtos ecolóxicos de proximidade. Reducimos a nosa pegada de carbono mentres aprendemos e pasamos un bo rato na nosa horta. Xusto a tempo para que agora a chuvia regue todo.

Álbum: Curso 2023/2024 -> Plantación Horto Escolar

O alumnado de 3º ciclo de educación primaria asistiu este martes, 19 de decembro, a unha charla sobre produtos alimenticios de proximidade e a importancia do seu consumo. 

Álbum: Curso 2023/2024 -> Charla Produto Local

Dentro do marco do Proxecto Voz Natura que levamos a cabo no centro desde fai anos, os alumnos e alumnas de primeiro de educación primaria estiveron traballando durante estas semanas a alimentación saudable, dietas equilibradas e a pirámide nutricional, así como bos hábitos, facer exercicio ou practicar algún deporte. Para isto, levamos a cabo, entre outras actividades, un obradoiro de merendas saudables con brochetas de nadal.

Álbum: Curso 2023/2024 -> Alimentación Saudable 1º EP