Infantil

Libros de Texto 24-25

Mar, 25/06/2024 - 00:00 — ma_rodriguez

Podedes descargar o listado de libros de texto para o curso 24-25 no documento adxunto.

1 adxunto

Estreamos patio!!!

Mér, 12/06/2024 - 21:04 — ma_rodriguez

Esta semana, por fin, os nenos e nenas de infantil estrearon o seu novo patio.

As plantas e a nova distribución crean moitos lugares para explorar, xogar, e investigar a natureza. Tamén hai espazo para deixar fluir a creatividade e pintar un pouco.

Os lugares máis buscados foron, sen dúbida algunha, os areeiros.

Álbum: Curso 2023-2024 -> Patio de Infantil

4ª sesión do club de lectura "Xa non son malo".

Mar, 21/05/2024 - 00:00 — Anónimo

Nesta 4ª sesión dialogamos sobre o lido e estivemos investigando sobre as árbores que pode haber nun bosque e no noso patio. Preparámonos coas botas e os chuvasqueiros a alá fumos a observar o noso medio! Todas as follas das árbores son iguais? Como se chamarán? Fixemos unha colleita de follas e ao chegar a clase investigamos coa axuda do libro Este es mi planeta Árbores, prensamos as follas recollidas para facer máis adiante un herbario e preparamos unha gran lupa (baseada nunha lupa de trazos_class) con cartón, cartolina, cola e pinturas.

3ª sesión do club de lectura "Xa non son malo".

Lun, 13/05/2024 - 00:00 — Anónimo

Nesta 3ª sesión seguimos falando da lectura que fixemos ata o día de hoxe e estivemos sementando petunias, ademais de traballar cun "poema lobeiro" do libro O libro dos bicos.

1ª sesión do club de lectura "Xa non son malo".

Xov, 02/05/2024 - 00:00 — Anónimo

Nesta 1ª sesión falamos da lectura que levamos feito ata agora e coñecemos os protagonistas! Incluso estivemos investigando un pouco sobre o pasado do lobo.

Comeza o club de lectura en Educación Infantil!

Lun, 29/04/2024 - 00:00 — Anónimo

En Educación Infantil arrancan co club de lectura do libro Xa non son malo. Grazas a colaboración das familias podemos desenvolver esta actividade tan enriquecedora!