Biblioteca

Inda que hoxe é sábado, asistimos á Xornada de Bibliotecas Escolares de Galicia, en Santiago.

As mestras e mestres do cole estamos sempre formándonos.

Para celebrar o Samaín, hoxe tivemos unha sesión de contacontos onde os nosos nenos e nenas puideron ser contadores de historias e espectadores. 

Todas as historias de medo que se contaron hoxe están na nosa biblioteca, a vosa disposición. 

Álbum: Samaín -> Samaín - Contacontos

Con motivo da celebración do Día das Bibliotecas o 24 de outubro, ao longo da semana do 21 ao 25 o alumnado de infantil e primaria visitou a biblioteca municipal.

Clicade na imaxe para abrir o álbum de fotos.

Álbum: Curso 2024-2025 -> Día das Bibliotecas

Bo día familias, neste 24 de outubro de 2024 celébrase o Día das bibliotecas e queremos aproveitar para invitarvos a vir a do noso colexio. Durante todo o curso está aberta para vós os martes e xoves de 12.30 a 13.10 h. Nela podedes atopar libros de ficción de poesía, teatro, banda deseñada e narrativa; e tamén informativos, como os relacionados coas emocións, co medio ambiente, coa cociña... Os libros que alí se atopan non só van dirixidos ao público infantil, tamén tedes vós a vosa sección. Agora ben, podedes coller en préstamo tanto na sección das familias, como na dirixida ao alumnado. Podedes levar en préstamo ata 3 libros!

Se o horario non vos vai ben e estades interesadas en vir, podedes pórvos en contacto co/ titor/a que tedes de referencia ou a través do email biblioteca.ceip.pazo.damerce@edu.xunta.gal e comunicarnos a situación e intentaremos adaptarnos. Da mesma forma, se estades interesadas nalgún libro ou temática tamén podedes pórvos en contacto e preguntarnos.

Feliz Día das Bibliotecas!

Compartimos con vós esta actividade organizada pola biblioteca municipal:

Para celebrar o día das Escritoras, dende o Equipo de Biblioteca, fixemos unha escolma de escritoras da nosa terra, destacando algúns dos libros que podedes atopar na nosa biblioteca.

Noticias da Biblio de Anxi